منتدى رابطة شباب محامين فارسكور
:::: مرحباً بحضرتك . إذا كانت هذه هى زيارتك الأولى لمنتدى رابطة شباب محامين فارسكور ::::
فقم بتسجيل عضوية جديدة لتتمكن من الإستفادة من كافة خدمات المنتدى :::: أما إذا كنت قد سجلت معنا مسبقاً فقم بتسجيل الدخول :::: المدير العام للمنتدى / أحمد بحيري المحامي بفارسكور


منتدى قانونى لرابطة شباب محامين فارسكور يهتم بإفادة القانونيين والسادة المحامين فى كافة المجالات
 
الرئيسيةس .و .جبحـثالأعضاءالمجموعاتالتسجيلدخول

 


شاطر | 
 

 إيه قصة الكوسة في مصر ؟ .... نشأتها ؟ .... سبب انتشارها ؟

اذهب الى الأسفل 
كاتب الموضوعرسالة
أحمد بحيري
المدير العام للمنتدى
المدير العام للمنتدى
avatar

عدد المساهمات : 194
تاريخ التسجيل : 20/05/2009
العمر : 34
الموقع : http://www.lawyer60.com/vb

مُساهمةموضوع: إيه قصة الكوسة في مصر ؟ .... نشأتها ؟ .... سبب انتشارها ؟   الأحد 31 يناير 2010, 12:18 am

ايه قصة الكوسة في مصر ؟ .... نشأتها ؟ .... سبب انتشارها ؟

جزء من الموضوع منقول

إيه قصة الكوسة في مصر ؟ .... نشأتها ؟ .... سبب انتشارها ؟
ولماذا اقترن اسم مصر دائماً بالكوسة ؟


بما ان القسم دا خاص بالوظائف فانا حبيت اضع هذا الموضوع هنا نظراً للإرتباط الذى لا يقبل التجزئة

من زمان ونفسي اعرف اشمعنا الكوسة ليه مش البطاطس على أساس إنها أحسن من الكوسة
طيب وليه مش الفراولة ولا الموز دورت وعرفت من احد المنتديات ان الكوسة

بالذات عشان زماااااااااااااان فى مصر

وأيام المماليك وأيام ما كانت القاهرة حواليها سور كبير
وأبواب عملاقه طبعا كان في مواعيد .........مش مش على طول كانت الأبواب دى مفتوحة كانت بتتقفل الساعه 8طبعا كان كل الفلاحين يدخلوا قبل الساعة 8
إنما بقى اللي بيزرع الكوسة ؟؟؟؟؟؟؟
طبعا الكوسة ولسبب زراعي بحت تحتاج أنها تحصد بالليل
فأصحاب مزارع الكوسة كانوا بيدخلوا من الباب الساعة 12

تك تك تك

مين

الكوسة

والباب يتفتح

ومن ساعتها الكوسة بقت رمز للمحسوبية


أنت بقى أخبار الكوسة إيه معاك ؟؟؟؟؟؟؟

يعنى لو عندك حكاية عن الكوسة حصلت معاك أو مع حد تعرفه ممكن تقولها

ملحوظة هامة : قصة الكوسة المذكورة منقولة

نرجوا التفاعل مع موضوع الكوسة لو سمحتم

:::::::::::::::::::: التوقيع :::::::::::::::::::





أحمد بحيري



المحامي



ahmadbehiry@yahoo.com


 


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.rabta.sitesled.com
أيمن الحفني
عضو متميز
عضو متميز
avatar

عدد المساهمات : 76
تاريخ التسجيل : 12/07/2009
العمر : 37
الموقع : دمياط-فارسكور - شارع المدارس

مُساهمةموضوع: رد: إيه قصة الكوسة في مصر ؟ .... نشأتها ؟ .... سبب انتشارها ؟   الأحد 31 يناير 2010, 7:54 am

بص يا ابو حميد
الكوسه في مصر زي الحريم في فرنسا كوسه علي حق ربنا
كنت قدمت في الحربيه بعد اما خلصت ثانوي يا معلم علي اساس ان الحياه لونها بمبي واني بقي الواد الفت الرشيق الغزاله عبقري عصره واوانه واللي عمر الحربيه مكانت تتمني غيره .....المهم يا سيد المعلمين عديت من الاختبار بتاع السمات الشخصيه وداخلين بقي علي الكشف الطبي وطبعا واقفين في عز البرد بالملابس الجوانيه بس,,, واقفين زي الكلااب البلدي كده والدور ماشي بقي واحنا واقفين طابور .... لقيتك عسكري داخل وفي ايده واد مبألظ كده وشعره كستنائي وابيضاني ولابس شورت بيج وتيشرت ابيض مرسوم عليه جيفارا هو تقريبا مكنش يعرف مين اللي مرسوم علي التيشرت مهو لو يعرف مكنش لبسه وهو جاي يمتحن للحربيه ,, المهم العسكري يا معلم يدخله من اوده ويخرج بيه ويدخله اللي بعدها وهكذا وخلص مثلا في بتاع ربع ساعه الكشف اللي احنا قعدنا فيه بتاع ساعتين وشويه احلي لقطه بقي وهو ماشي العسكري يقوله سلملي علي الباشا يا هيثم بيه !!!!!!!!!

وخلصت وروحت لقيت امي الله يباركلها طابخه شويه كوسه مقولكش عليهم كلت ونمت زي الجزمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد ابو عيسى
عضو متميز
عضو متميز
avatar

عدد المساهمات : 154
تاريخ التسجيل : 13/12/2009
العمر : 47

مُساهمةموضوع: رد: إيه قصة الكوسة في مصر ؟ .... نشأتها ؟ .... سبب انتشارها ؟   الإثنين 01 فبراير 2010, 4:22 pm

للكوسه ف بلادي شئون

بتخـلي المسنود فرعون


يتفرعن فين مهما يكون


وتخـــلي الجـاهل أستـاذ


والأعـرج لاعـب جمبـاز


وتخـلي الأحـول هــداف


والكوره الآوت ف الجون


للكوسه ف بلادي شئون





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السيد عيد
عضو متميز
عضو متميز
avatar

عدد المساهمات : 100
تاريخ التسجيل : 09/12/2009
العمر : 45

مُساهمةموضوع: رد: إيه قصة الكوسة في مصر ؟ .... نشأتها ؟ .... سبب انتشارها ؟   الإثنين 01 فبراير 2010, 7:59 pm

يا معلم على الكوسه وخصوصا مع البطاطس وصنيه لحمه فى الفرن وسلملى على البرنجان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ليلى أبو النجا
عضو متميز
عضو متميز
avatar

عدد المساهمات : 371
تاريخ التسجيل : 08/12/2009
العمر : 34

مُساهمةموضوع: رد: إيه قصة الكوسة في مصر ؟ .... نشأتها ؟ .... سبب انتشارها ؟   الأربعاء 03 فبراير 2010, 7:23 pm

مع المسرحية الساخرة دى هنعرف الكوسة
راوى 1 : النهارده حنحكى حكايه موجوده فى كل مكان

راوى 2 : النهارده حنحكى حكايه مش بتتحكى فى اى مكان

راوى 3 : النهارده حنحكى حكايه مش عاوزنها تفضل طول الزمان

راوى 4 : النهارده حنحكى حكايه مضمونها ملهوش اَمان

راوى 5 : حكايتنا النهارده فيها “بشتكه”، الشاب الطيب الغلبان اللى عمره ما حاول يكون جبان وواجهه مشكلته بحريه واَمان.

راوى 6 : “بشتكه”، حاول كتير ميوقعش نفسه فى مشاكل.

راوى 7 : بس المشاكل كانت .. زى ما تقول بتتشاكل عليه.

راوى 8 : مشاكل “بشتكه” مكنتش مشاكله هو … مكنتش من عيوبه الشخصيه لا دى كانت عيوب اللي حواليه.

راوى 9 : طب وايه هى بقى المشاكل دى ؟

راوى 10 : المشاكل دى بقى يا سيدى …. طب ما تيجى نسمع “بشتكه” وهو بنفسه يقولنا ؟
- فاصل -


بشتكه : ] يدخل عيادة الدكتور النفسى [ سلام عليكم ... دكتور .... موجود ؟

الممرض : اَه اَه موجود اتفضل اقعد أدفع واستنى الحاله اللى جوا.

المريض : ]خارج من عند الدكتور [ هههههههههههههههههههههههه اَل انا مجنون اَل .

بشتكه : ماله دا ؟ ( للممرض وهو يعطيه النقود )

الممرض : لا لا ملوش اتفضل ادخل دا دورك .

بشتكه : شكراً ... سلام عليكم ازيك يا دكتور ؟

الدكتور : الحمد لله كويس ها قولى بتشتكى من ايه ؟

بشتكه : واللهى يا دكتور ..

الدكتور : إحكيلى .... فضفض باللى جواك .... خايف من ايه ؟ .... قووووول.

بشتكه : ايوه يا دكتور عندك حق ما دام كدا حقول وكدا حقول انا اخاف من ايه ؟

الدكتور : ايوه تخاف من ايه ؟

بشتكه : اخاف من ايه .. من ايه ؟ .. انا حقول واللى يحصل يحصل .. بس قبل ما اقول إضربنى الأول على قفايا .

الدكتور : اضربك على قفاك !! ليه ؟!

بشتكه : إضربنى بس يا دكتور .. بسرعه مش قادر استحمل .

الدكتور : طيب .... ( طراَاَاَاَاَاَاَخ ).
- فاصل –


بشتكه : ] شاعراً بالراحه [ ياااه يا دكتور بستريح اوى لما حد بيضربنى على قفايا انت مستغرب كدا ليه فاكرنى بهزر ؟ لا لا دا انا من صغرى وانا كدا من يوم ما اتولدت تقريباً دا من قبل حتي ما اتولدت كمان من وانا فى بطن امى وانا بتقلب على قفايا ويوم ما الدايه ولدتنى عارف عشان اعيط خلونى اعيط ازاى ؟ فاكرهم ضربونى على .... لا لا ضربونى على قفايا اومال انت فاكر ايه ؟ بس احلى يوم حصلى فى حياتى يوم السبوع كان مزاجهم عالى اوى فى اليوم دا..

] بشتكه وسط دائره نائماً وحوله [

1 : اسمع كلام امك .. طراااااااااخ

2 : اسمع كلام ابوك .. طرااااااااخ

3 : اسمع كلام ستك .. طرااااااخ

( يالا الأنابيب )

4 : اسمع كلام الأنابيب .. طراااااااااخ


  • عوده إلى العياده ...



دا انا كلت قفايات لحد ما قولت يا بس ...
- فاصل –




راوى 1 : طبعاً محدش عارف ايه هو القفا اللى "بشتكه" بيتكلم عليه.

راوى 2 : قفا بشتكه اضرب عليه كتير .. بس قفا بشتكه الضرب عليه غير ضرب اى قفا.

راوى 3 : بشتكه من يوم ما اتولد وهو بيضرب عليه .. انت شايف ان دا صح؟

راوى 4 : ما دام بشتكه رضى يضرب على قفاه يبقى اكيد بشتكه حيفضل ينضرب على قفاه.

راوى 3 : يعنى هو انت عاوزه يعمل ايه ؟

راوى 4 : يعمل ايه ؟ مش عارف.

راوى 5 : طب ما تيجوا نكمل واحنا حنعرف بشتكه عمل ايه ؟

] العياده [

الدكتور : طبعاً يا بشتكه .. مش هو دا اسمك برضه ؟

بشتكه : اَه .. بشتكه بشتكوت المبشتك

الدكتور : طبعاً بعد كل الضرب دا . احوليت ؟

بشتكه : لا لا لا اصل انا زى ما تقول كدا القفا مش بيأثر فيا يعنى بنضرب وعادى خالص.

الدكتور : وانت بتسيبهم يضربوك عادى كدا.

بشتكه : لا طبعاً دا انا .. بص انا ححكيلك على احلى 3 قفايات خدتهم فى حياتى.

الدكتور : احكى يا سيدى.
- فاصل –


] بشتكه فى مكتب التوظيف واقف فى الطابور امام الشباك [

بشتكه : لو سمحت انا كنت قدمت على وظيفه من اسبوع وعاوز اعرف انا عملت ايه؟

السكرتيره : انهى وظيفه ؟

بشتكه : انا مقدمتش على وظيفه معينه انا قدمت ورقى وقالولى احنا حنختارلك الوظيفه اللى تناسبك قبل ما القطر يفوتك.

السكرتيره : هات بطاقتك كدا.

بشتكه : اتفضلى ... بصى دا اسمى ودا عنوانى ودا ...

السكرتيره : منا عارفه .. انت حتعرفنى ولا ايه ... هو رقم البطااقه بيتكتب فين ؟

بشتكه : هو انت معكيش بطاقه ؟

السكرتيره : وانت مالك انت ... بص اسمك مش موجود على الكمبيوتر .

بشتكه : اومال بعتولى جواب ان انتوا لقيتولى شغل ليه.

السكرتيره : ايوه كان فيه شغلانه ليك بس اتاخدت.

بشتكه : اتاخدت ازاى يعنى هى كوسه.

السكرتيره : اه كوسه.

بشتكه : طب ممكن اعرف مين بقى اللى اشتغل مكانى ؟

السكرتيره : الأستاذ السيد الدكتور الباشمهندس عباس وسطه المرتشى.

المريض : اَه ه ه. هى ماشيه بالوسطه؟
- فاصل –


الراوى 1 : فى حد مفهمش ايه هو بقى القفا ؟

الرواى 2 : انا مفهمتش .

الراوى 3 : هههههههههههههههههه ... هههههههههههههه ... ههههههههه .. يالهوى مفهمتش ما هى واضحه زى الشمس اهى .. انا كمان مفهمتش ! انت تقصد تقول ايه ؟

الراوى 1 : القفا هنا غير اى قفا .. القفا هنا لازم تاخده وتسكت .. لو خدته واتكلمت .. حتاخد غيره كتير .. اه ما هو فيه كتير ..

الراوى 3 : فكرتنى بالراجل اللى قال ( لو يوم تخرج عن قانون القفا حتلاقى نفسك بتاخد بالقفا .. قانون القفا واضح لكل ناس مش محتاج عدسه ولا استاذ .. متفكرش كتير ومتحتارش .. قفاك دا مش ملكلك قفاك ملك قانون القفا ).

الدكتور : ياااااه كل دا شايله فى قلبك ... احكى يا بنى احكى ..

بشتكه : ححكى يا دكتور.

] بشتكه امام ثلاثه من لجنة تعيين الموظفيين [

1 : مستعد للأسئله ؟

بشتكه : اه.

2 : اسمك وسنك وعنوانك ..

بشتكه : بشتكه بشتوك المبشتك – 25 سنه – من طنطا

3 : بتعرف تعمل شاى وقهوه كويس ؟

بشتكه : اه .. بعرف اعمل شاى كشرى وشاى فتله و قهوه مظبوط وساده و نسكافيه و ...

2 : خلاص خلاص المهم بتعرف ... بتعرف تعوم فى البحر ؟

بشتكه : طب ايه علاقة دا بالوظيفه اللى انا جايلها ؟

1 : ايه علاقه دا ؟ انت يا سيد متعرفش اهمية وظيفتك وتأثيرها فى الشركه ولا ايه ؟ يا سيد انت حتشغل اهم منصب هنا فى الشركه الساعى بمرتب بحد ادنى واعلى 100 جنيه فاهم يعنى 100 جنيه بتطلعلك من الشركه يا محترم .

بشتكه : اسف اسف .. اه بعرف اعوم.

3 : السؤال الثالث : علل ؟ كان يرتدى الفنان عادل إمام قميصاً لونه ابيض فى المشهد الثانى فى الفصل الأول فى مسرحية مدرسه المشاغبين .

بشتكه : اممممممممم .. عشان كانت مسرحيه ابيض و اسود ؟

2 : الله عليك .. شكلك ذكى واللهى بس اسفين مش حنقدر نعينك .

بشتكه : ليه ؟

2 : الساعى اللى عندنا ابنه طلع بيعرف يعمل شاى وحنشغله عندنا وزى ما بيقولو ابن الوز عوام.

بشتكه : كنت عارف انى حفشل .. وعارف انى عمرى ما حقدر اشتغل من غير وسطه لازم ادور على وسطه لازم ادور على وسطه.
- فاصل –


الدكتور : وعرفت تجيب وسطه ؟

بشتكه : حاولت بس معرفتش بس .. اشتغلت من غير وسطه خدت القرشين اللى ابويا كان محوشهم وفتحتلى كشك سجاير فى الشارع.

الدكتور : طب كويس وبتكسب ؟

بشتكه : هههه ... اه بكسب ودا اللى خلانى اتقدم للجواز من الوحيده اللى حبيتها فى حياتى.

] بشتكه امام والد مَن يحبها [

بشتكه : ازيك يا عمى .. مش عارف ابداء منين .. بس حبداء من اى حته وخلاص .. عمى انا عاوز اخطب ايد بنتك .

الوالد : تخطب ايد بنتى ؟! ازاى يعنى ؟

بشتكه : عمى انا بحب بنتك وبصراحه بقى لو متجوزتهاش .. حشوف غيرها .

الوالد : واللهى يابنى مش عارف اقولك ايه بس .. لو كنت جيتلى من خمس دقايق .. انا كنت ممكن اوافق .. بس خلاص الأمر خرج من ايدى وراح لأيدى التانيه.

بشتكه : ليه يعنى هى كانت بنتك من خمس دقايق ودلوقتى مش بنتك ولا حاجه ؟

الوالد : لأ ... بس هى اتخطبت من خمس دقايق للأستاذ محروس وسطه المرتشى.

بشتكه : كنت عارف انك حتقولى كدا .. كنت عارف ان الوسطه كل حاجه بس مكنتش اعرف إن الوسطه فى الحب كمان كنت فاكر إن الحب اسمى شئ فى الوجود كنت فاكر لما احب حغرق فيه و ادوب كنت فاكر الحب حب قلوب بس ضحكوا عليا وطلع الحب حب فلوس.
- فاصل –


الدكتور : مش عارف يا بشتكه اقولك ايه بس خلاص الوسطه بقت حاجه اساسيه عندنا بقت زى الفطار والغداء والعشا كمان الوسطه بقت قانون اتفرض علينا والامر مش بإيدينا وعشان نغير القانون دا محتاجين معجزه معجزه تغير الناس من جواها مش تغير القانون القانون سهل يتغير بس من غير ناس تغيره عمره ما حيتغير .. مش عارف يا بشتكه اعملك ايه ؟

بشتكه : انا مش عاوزك تعملى انا انا خلاص اتعودت على ضرب القفا انا عاوز ابنى لما يكبر ما يضربش على قفاه زى ابوه ، مش عاوز اسمع منه الاَه من كتر ضرب القفا ، مش عاوزه يموت كل يوم الف مره ولا عاوزه يدوق طعم الضرب على القفا ضرب القفا حاجه صعبه ضرب القفا حاجه صعبه.......... انا عاوزه يعيش مرفوع الراس وسط الناس مش عاوز راسه فى يوم تنداس ، عاوزه اسد ياكل كل اللى يقرب لقفاه مش عاوزه يتهان وسط الناس مش عاوزه يعيش بدون اَمان .. مش عاوزه يعيش محروم من الحياه .. مش عاوزه يعيش يعيش جبان .. مش عايز حياته كلها تبقى غلط فى غلط .. مش عاوزه يقول قفايا وجعنى .. مش عاوزه .. مش عاوزه .. مش عاوزه يا دكتور..... مش عاوزه ...... .
- فاصل –


] الدكتور تليفونه بيرن [

الدكتور : ايوه .. ازيك يا فندم .. ايوه انا الدكتور محسن وسطه المرتشى.

بشتكه : انت كمان طلعت منهم يا دكتور.

الراوى 3 : وحنفضل طول عمرنا مستنين حد يجى يخلصنا من ضرب القفا

حنفضل طول عمرنا مستنين حد يجى ميضربناش بالقفا

و حنفضل نقول كلام وحكايات عن قفا بشتكه وقفا غيره كتير

مش بشتكه اللى وحده اللى بيضرب على قفاه

كلنا كل يوم بنضرب بالقفا

حقولها تانى

لو يوم تخرج عن قانون القفا حتلاقى نفسك بتاخد بالقفا .. قانون القفا واضح لكل ناس مش محتاج عدسه ولا استاذ .. متفكرش كتير ومتحترش .. قفاك دا مش ملكلك قفاك ملك قانون القفا.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
إيه قصة الكوسة في مصر ؟ .... نشأتها ؟ .... سبب انتشارها ؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» سبب تسمية سور القران الكريم بهذا الاسم
» من أحكام المحكمة الإدارية العليا فى المنـــع من السفر والمنع من دخول البلاد
» بحث في عقد المقاولة أحكامها وآثارها
» ضرر التدخين وكيفية التخلص منه وطرق علاجه
» افضل علاج للصداع

صلاحيات هذا المنتدى:لاتستطيع الرد على المواضيع في هذا المنتدى
منتدى رابطة شباب محامين فارسكور :: منتديات الخريجين ( لخريجى الحقوق والشريعة والقانون ) :: قسم الوظائف لخريجى الحقوق والشريعة والقانون-
انتقل الى: