منتدى رابطة شباب محامين فارسكور
:::: مرحباً بحضرتك . إذا كانت هذه هى زيارتك الأولى لمنتدى رابطة شباب محامين فارسكور ::::
فقم بتسجيل عضوية جديدة لتتمكن من الإستفادة من كافة خدمات المنتدى :::: أما إذا كنت قد سجلت معنا مسبقاً فقم بتسجيل الدخول :::: المدير العام للمنتدى / أحمد بحيري المحامي بفارسكور


منتدى قانونى لرابطة شباب محامين فارسكور يهتم بإفادة القانونيين والسادة المحامين فى كافة المجالات
 
الرئيسيةس .و .جبحـثقائمة الاعضاءالمجموعاتالتسجيلدخول

 


شاطر | 
 

 العصفورة ( نقابة المحامين بدمياط على صفيح ساخن )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علاء بشتو
عضو متميز
عضو متميز


عدد المساهمات : 116
تاريخ التسجيل : 11/11/2009
العمر : 45

مُساهمةموضوع: العصفورة ( نقابة المحامين بدمياط على صفيح ساخن )   الثلاثاء 02 فبراير 2010, 2:20 pm

أنا كنت قاعد باشرب شاى لقيت العصفورة جت وكانت فى مشوار قالت لى أنا عاوزاك فقعدت على الكرسيى
العصفورة طارت شويه فى غرفة محامين فارسكور وجت ادامى على الترابيزه 00
سالتها 00 اخبارك ايه يا عصفوره
العصفورة 00 الحمد لله عايشه
وأخبار الدنيا ايه
العصفورة 00 انته متعرفش ان المءتمر بتاع الاحتفاليه عملب دربكه فى نقابة المحامين فى دمياط
ليه 00
العصفورة 00 اصل يا سيدى اتخانقوا على المبلغ اللى كان جاى مين اللى يوزعه ومين اللى ينظم الاحتفال
وكل واحد عاوز طبعا ياخد بنط
طيب وحصل ايه بعد كده
العصفورة 00 مفيش انا كنت طايره ساعة الخناقه وسمعت انهم بيقولوا النقابة تانى بقت فريقين كالعاده وكل واحد واقف للتانى
وعلى العموم انا فى الايام اللى جايه هاكون هناك واجى اعرفكم الاخبار نسيت اقولك ان تكاليف الاحتفاليه كل واحد فى النقابة بيقول انا معرفش عنها حاجه هاشوف مين اللى يعرف واقولكم 00
المهم ان العشرين الف جنيه طاروا والمحامين ميعرفوش ايه اللى حصل 00
سالتها 00 امال بيقولوا تكاليف الغرف فى اود المحامين خمسين الف وستين الف 00
العصفورة 00 انا معرفش بس انا لفيت فى الغرف لقيت اللى اتعمل الدهان ورش الغرف والسجاد يعنى لو قعدت معاك المره اللى جايه نحسبها سوا ونتكلم فى المواضيع التانيه
طيب اقعدى شويه
العصفورة 00 لا معلش احسن حد منهم ييجى ويشوفنى هنا 00 سلااااااااااااااام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بلال مشعل
عضو متميز
عضو متميز


عدد المساهمات : 180
تاريخ التسجيل : 06/07/2009
العمر : 38
الموقع : belal_mashal2004@yahoo.com

مُساهمةموضوع: رد: العصفورة ( نقابة المحامين بدمياط على صفيح ساخن )   الثلاثاء 02 فبراير 2010, 9:36 pm

دى مش عصفورة دى مخبرة
ههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طه زهران
عضو متميز
عضو متميز


عدد المساهمات : 87
تاريخ التسجيل : 22/12/2009
العمر : 48

مُساهمةموضوع: رد: العصفورة ( نقابة المحامين بدمياط على صفيح ساخن )   الأربعاء 03 فبراير 2010, 12:38 am

يظهر ان العصفورة بتاعتك يا أستاذ علاء دقة قديمة شويتين لأنها والله أعلم كدة بتتكلم عن عصور تاريخية راحت وانقضت خلاص ومعدش ليها أثر فى الواقع الراهن ... و يمكن تكون العصفورة دى فقدت الذاكرة وتوقفت معلوماتها عند حادث فقد الذاكرة أيام المجالس السابقة ..
يعنى بالفلاحى كده أمور النقابة الآن أصبحت واضحة وشفافة لدرجة ان أى محامى يقدر يعرفها وهو قاعد فى بيته والمسألة معدتش محتاجة لا عصفورة ولا شحرورة ...
وعلى العموم ياسيدى بلغ العصفورة هانم ان النقابة هتعرض الميزانية بالكامل على الجمعية العمومية اللى هتجتمع فى شهر مارس القادم طبقا للقانون ووقتها هنعرف كل اللى حصل وبيحصل ويمكن ساعتها نلاقيك ماسك العصفورة علشان تذبحها .لما تكتشف انها كانت كذابة... ههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أيمن الحفني
عضو متميز
عضو متميز


عدد المساهمات : 76
تاريخ التسجيل : 12/07/2009
العمر : 35
الموقع : دمياط-فارسكور - شارع المدارس

مُساهمةموضوع: رد: العصفورة ( نقابة المحامين بدمياط على صفيح ساخن )   الأربعاء 03 فبراير 2010, 7:57 am

شكلها طلعت سمانيه يا معالي الباشا ا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أمير الجمل
عضو متميز
عضو متميز


عدد المساهمات : 43
تاريخ التسجيل : 01/02/2010
العمر : 42

مُساهمةموضوع: رد: العصفورة ( نقابة المحامين بدمياط على صفيح ساخن )   الأربعاء 03 فبراير 2010, 2:37 pm

ما بلاش موضوع العصفورة ده علشان انفلونزا الخنازير يا باشا الموضوع اللى بيتقال ان الاستاذ / هشام اخد الشيك علشان يعمل هوه الاستضافة بتوع النقابة كلموا النقيب واخدوا الشيك من الاستاذ هشام وعملوا هما الاستضافة وبيقولوا انهم وفروا مبلغ 3 او 4 الاف جنيه من ال 20 وتم وضعهم فى ميزانية النقابة الفرعية والكلام ده يا باشا من مصادرى السرية فى الغرفة الصغيرة ولا اعلم حقيقته بعد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إيمان
عضو متميز
عضو متميز


عدد المساهمات : 319
تاريخ التسجيل : 08/11/2009
العمر : 34

مُساهمةموضوع: طيور الجنة   الأربعاء 03 فبراير 2010, 3:00 pm

هى العصفورة دى مقلتش حاجة حلوة عن النقابة خالص

[
url=http://fashion.azyya.com][/url][URL="http://uploadpics.a2a.cc"].[/URL][URL="http://www.a2a.cc"].[/URL]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء بشتو
عضو متميز
عضو متميز


عدد المساهمات : 116
تاريخ التسجيل : 11/11/2009
العمر : 45

مُساهمةموضوع: رد: العصفورة ( نقابة المحامين بدمياط على صفيح ساخن )   الأربعاء 03 فبراير 2010, 3:51 pm

عموما انا شفت كلامكم كله واتصلت بالعصفورة
وقالت افتح المايك وانته بتتكلم معايا علشان ارد لان انا ليه حق الرد
فانا قلت بلاش الاستاذ طه يزعل قالت والله لازم أرد

العصفورة 00 بالنسبه لموضوع واضحه وشفافه فهى فعلا الخناقه كانت واضحه وشفافه ادام النقيب العام ورفاقه فى دمياط وعلشان كده انا سمعت النقيب بيقول تعالوا نقعد بعد المؤتمر نحل الخلاف00
وكمان الشفافيه واضحه وانا سامعه عضو نقابه فى محكمه بيقول ان لغاية يوم المؤتمر منعرفشس بيتم ايه فى النقابه 00
اما فقد الذاكره والعصور التاريخيه انا قلتلكم عن واقعه حصلت مش من عشر سنين ولا حاجه الكلام ده يوم 28 /1/2010 ساعة وضع الطوبتين اللى اتكلفوا عشرين الف جنيه 00
والاستاذه ايمان بتقول ان مفيش حاجه حلوه للنقابه لا طبعا ازاى
بس كل حاجه حلوه تتعمل هى واجب مش منه على المحامين لانها من فلوسهم
وكمان فيه حاجه حلوه عملتها النقابه ان حوالى 200 محامى اجتمعوا فى المؤتمر وروحوا وفيه خمسين محامى بياكلوا بالعشرين الف جنيه
حلووه صح
اما يا استاذ أمير الحقيقه هتعرفها يوم ان شاااء الله ما يعرضوا عليكم الميزانيه 0-
خلاص كده يا عصفورة اقفلى 00
العصفورة 00 طيب ماشى بس ياريت تصوروا حجر الاساس بتاع شطا وتجيبوا صورته جنب حجر الاساس بتاع دمياط الجديده
اهى كلها مشاريع 00
طيب يا عصفورة وتايه موضوع الغرف اللى بتتجهز فى محكمة دمياط للنقابه والنقيب وعضو النقابه العامه 00
العصفورة 00 عموما انا المره الجايه هاقولكم كل غرفه فلوسها جايه منين بس لما اعرف
مع السلامه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طه زهران
عضو متميز
عضو متميز


عدد المساهمات : 87
تاريخ التسجيل : 22/12/2009
العمر : 48

مُساهمةموضوع: رد: العصفورة ( نقابة المحامين بدمياط على صفيح ساخن )   الأربعاء 03 فبراير 2010, 8:40 pm

أستاذى الكريم أستاذ علاء :-
أحمد الله نعالى على أن يكون بيننا دائما أشخاص غيورة على النقابة والمال العام ومستقبل المهنة فهذه واللهى نعمة كبيرة كنا قد افتقدناها منذ عهود طويلة حتى أننا كنا لا نكاد نسمع أصوات معارضة ولا حتى نقد بناء ولكن كما قلت هذا عهد قديم قد زال وانقضى إلى غير رجعة بإذن الله تعالى ثم بفضل إرادة شباب المحامين ورجالها الأحرار .
ولكن أستاذى الفاضل : لقد عهدتك دائما رجل فعال وايجابى فى العمل العام ولم تكن أبدا فى يوم من الأيام عامل معوق أو معرقل أو سلبى واننى أتمنى أن تظل على عهدك هذا وأن تترك السماع لوساوس الموسوسين أو دعاوى المثبطين المولعين بهواية الهدم والتشويه لكل بناء يشيد أو أمل يتحقق . ولنكن - كما تعاهدنا - يدا واحدة وقلبا واحدا لنقيم دعائم نقابتنا حتى نكون بحق شوكة قوية فى حلق كل من أراد بنا وبالمحامين سوءا . ولنعمل بقول رسولنا الكريم فى الحديث الطويل " ....... فاحرص على ماينفعك ودع مايريبك وتوكل على الله ولا تعجز فإن فاتك من المعروف شىء فلا تقل لو أنى فعلت كذا لكان كذا فان لو تفتح عمل الشيطان ولكن قل قدر الله وما شاء فعل .. " الحديث
أخى وحبيبى أستاذ علاء ... زملائى وزميلاتى الأحباء ... هيا بنا نسير يدا واحدة وليكن نقدنا نقدا بناء وإذا وجدنا خيرا فلنحمد الله ولنشكر من قام به وان وجدنا غير ذلك فلننصح ولنقوم ذلك الخطأ بروح من التعاون والحب ثم لانصغى بعد ذلك لأى حاقد أو عابث أو مثبط ولندع القافلة تسير والكلاب تعوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سعيد عبد العظيم حبلص
عضو متميز
عضو متميز


عدد المساهمات : 58
تاريخ التسجيل : 04/12/2009
العمر : 47

مُساهمةموضوع: رد: العصفورة ( نقابة المحامين بدمياط على صفيح ساخن )   الخميس 04 فبراير 2010, 1:09 am

[ =" "]

[
url=http://fashion.azyya.com][/url][URL="http://uploadpics.a2a.cc"].[/URL][URL="http://www.a2a.cc"].[/URL]
[/quote]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء بشتو
عضو متميز
عضو متميز


عدد المساهمات : 116
تاريخ التسجيل : 11/11/2009
العمر : 45

مُساهمةموضوع: رد: العصفورة ( نقابة المحامين بدمياط على صفيح ساخن )   الخميس 04 فبراير 2010, 4:37 pm

وما زالت النقابه على صفيح ساخن
أنا كنت باتكلم فى محكمة كفر سعد النهارده وفيه محامى من القاهره قالى ان كان فيه احتفاليه بالنقابات بأحد الفنادق تكلفت مئات الالاف 00 والعصفورة كانت موجوده 00
العصفورة 00 أنا كنت موجوده فى الاحتفاليه بتاع النقابات ولم يتم عمل اى شىء جديد بس كانت احتفال وشىء حلو اتكلف مئات الالاف من الجنيهات 00 بجد شى يحير 00 الفلوس النهارده بتطلع من النقابه للاحتفاليات وموجوده وفى خدمات المحامين اسمعهم يقولوا مفيش فلوس
ده حتى أمين الصندوق قعد فى محكمة فارسكور وقال انا لو الفاتورة بتاع التليفون جت كبيره ش هدفعها
رديت انا وقلت للعصفورة 00 لهو امين الصندوق هيدفع الفاتورة من جيبه
العصفورة 00 هو ده اللى انا سمعته وبعدين هو ايه برنامج نقابة دمياط فى الاحتفاليه 00
والله انا شفت الدعوه كانت ان النقيب هيمر على النقابات الفرعيه ويفتتح الغرف وفيه ضيوف قيادات المحافظه وكلمة الاعضاء المرافقين
العصفورة 00 هههههههههههههههههههه ايوه هو اللى حصل بالضبط ان البرنامج اللى النقابه كانت عملاه للاحتفاليه لم يتم منه اى شىء ده حتى المحامين محدش منهم عرف يتكلم مع النقيب والاستاذ امين صندوق النقابه مسك المكروفون ولم يعطى فرصه لاى محامى غير الاستاذ عطيف نعمان
ليه يعنى الاستاذ عطيف
العصفورة 00 معرفش يمكن علشان هو من دمياط وباقى المحامين مش منها
يمكن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أمير الجمل
عضو متميز
عضو متميز


عدد المساهمات : 43
تاريخ التسجيل : 01/02/2010
العمر : 42

مُساهمةموضوع: رد: العصفورة ( نقابة المحامين بدمياط على صفيح ساخن )   الجمعة 05 فبراير 2010, 8:09 pm

يا تعليقاتك الساخنة يا ستاذ علاء عموما بيقولوا الصبر مفتاح الفرج وشهر 3 بتاع عرض الميزانية ناظره قريب وهانشوف ونحكم ونقول رأينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
العصفورة ( نقابة المحامين بدمياط على صفيح ساخن )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى رابطة شباب محامين فارسكور :: المنتدى العام ( الأقسام العامة ) :: قسم الحوار العام والنقاش-
انتقل الى: