ماذا فعل لنا عضوا النقابة العامة عن محكمة دمياط بعد نجاحة ؟؟؟؟؟؟؟

استاذ بلال
حمدالله ع السلامه
والله فرحت انى شفتك
هو بتسال عن مين ؟

يا أستاذ بلال الاسئله مش محتاجه اجابه هو الاستاذ هشام اما بيجى يحضر جلسه فى المحكمه بيجى منين ويخرج منين من الباب اللى وراه علشان محدش يشوفوا وعلشان يعرف ان لولا محكمه فارسكور مكنش شاف الكرسى ومحكمه فارسكور برضه هيه اللى سقطت احمد فايد وسلملى على الكرسى

أحسنت يا أستاذ سيد هو لما بيكون عنده جلسه بيجى من الباب الخلفى ويمشى من ذات الباب

الاستاذ / بلال مشعل
سوف أبدا من حيث انهيت حديثك (ما هو موقف محامين فارسكور اذا ما صدقت تلك الاقاويل فى حق عضو النقابة) يعنى انت نفسك مش متاكد من الأقاويل صحيح استاذ/ هشام لم يزر محكمة فارسكور الا قليلا بعد نجاحه ولم يفى بوعده لنا ولكن الاسئلة ع فرض صحة الاقاويل
أولا :لماذا يتم دفع المبلغ المذكور لدعم مرشح بعينه زى ما بتقول وما هو وجة استفادته من نجاح المرشح ده
ثانيا :لماذا يكرث جهده لمحاربه فارسكور فى انتخاباتها وهو يعلم جيدا ان فارسكور كانت سببا فى نجاحه
ثالثا : تتحدث عن طفرة ملموسه فى الخدمات هو احنا شفنا خدمات علشان نشوف طفرة
وأخيرا لو فعلا قدرت انت او غيرك من المحامين فى اثبات ذلك لنا انت عارف ايه رد فعلنا كويس بس انا ليه راى لو سمحتولى واخدتوا بيه الا وهو
ايه رايكم لو دعونا الاستاذ /هشام أبو يوسف الى محكمه فارسكور فى مؤتمر عام لنا ونبتدى نحاسبة ولا ده مش من حقنا وبكده كل شى يكون واضح للجميع

[والله يااستاذ بلال انت عارف ان احنا اللي نجحنا الاستاذ هشام ومحكمة فارسكور هي اللي نجحته وع العموم الايام جاية وهو منفذش اي وعد من اللي قاله ايام الانتخابات وانتت عارف كمان ان انا في مكتب الاستاذ عبدالسلام زهران وكلنا اجتمعنا واتفقنا علي نجاحه لكنه خذلنا وياريت بعد كده نبقي نتفق علي مرشح مش بالعواطف لكن بالجهد اللي بذله ولمدي خدمته للمحامين لكن ان مرشح ييجي يستعطفنا معدش ينفع وانا كنت اول واحد بدعي للاستاذ هشام واول واحد فرحت لنجاحه ولكن الاستاذ هشام لم ينفذ اي وعد من وعوده وانا اتمني منه انه يصحح المفهوم ده عندنا ويثبت لنا غير كده وانا بعتب عليه

المشكلة يا أستاذ / بلال ان احنا بنسمع وعود كتيرة ومفيش حد بينفذ حاجة
لا شوفنا تطوير فى العلاج
ولا شوفنا تحسين الخدمات الموجودة حتى دورة المياه من قفل عليها ومشتركة بين المحامين والمحاميات ةموظفين المحكمة فين آدمية المحامى ...
وفعلاً هيعدوا الأربع سنين وهيجوا تانى فى آخرهم ونسمع تانى ولاحد بينفذ ولا حد بحاسب
وشكراً على الموضوع