من القلب

الأستاذ/ أحمد زقزوق
أنا بحييك ع كلامك ده وع مشاركاتك الفعالة والهادفة فى المنتدى ويا ريت كل المحامين يفكروا ويحسبوها زيك كده بس تعرف احنا مش هنقدر نصلح كل ده وانا مش بحبطك عارف ليه لان فية حاجات الاصل فيها التربيه وانا مش بقصد الاساءة بس ده انا لمسته كويس وبتكلم مش من فراغ
مثلا انت مش هتقدر تجبر محامى انه لا يتلفظ بالفاظ خارجة أو انه يتكلم فى حق زميله أو انه يعلق فى الرايحة والجاية ومش هتقدر برده تنسق معاه ع اتعاب معينه او حد ادنى مش يتخطاه لان عن تجربه شخصيه جربت ده وكانت النتيجة ان زميلك بيضربك فى اتعابك بالبلدى كده عارف ليه لان عقيدته انه لو جمع عشرين قضية واخد من الموكل عشرين جنيه فى القضيه تبقى حصيلته 400 جنيه يبقى لما يبقوا فى جيبى واضمنه يجيلى تانى احسن ما يبقى مع زميلى لكن من ناحية اننا نكون ايد واحدة ده ممكن وكلنا لازم نقف جنب بعض فى السراء والضراء لان النهاردة عندك بكرة عندى ويا ريت فعلا نشيل من قلوبنا الحقد والكراهية ونعلم اننا جميعا لن نستفيد من المفارقات والمشاحنات لاننا الابقى لبعض ويارب يبعد عننا كل شر

أماني الجيزاوي كتب:

الأستاذ/ أحمد زقزوق
أنا بحييك ع كلامك ده وع مشاركاتك الفعالة والهادفة فى المنتدى ويا ريت كل المحامين يفكروا ويحسبوها زيك كده بس تعرف احنا مش هنقدر نصلح كل ده وانا مش بحبطك عارف ليه لان فية حاجات الاصل فيها التربيه وانا مش بقصد الاساءة بس ده انا لمسته كويس وبتكلم مش من فراغ
مثلا انت مش هتقدر تجبر محامى انه لا يتلفظ بالفاظ خارجة أو انه يتكلم فى حق زميله أو انه يعلق فى الرايحة والجاية ومش هتقدر برده تنسق معاه ع اتعاب معينه او حد ادنى مش يتخطاه لان عن تجربه شخصيه جربت ده وكانت النتيجة ان زميلك بيضربك فى اتعابك بالبلدى كده عارف ليه لان عقيدته انه لو جمع عشرين قضية واخد من الموكل عشرين جنيه فى القضيه تبقى حصيلته 400 جنيه يبقى لما يبقوا فى جيبى واضمنه يجيلى تانى احسن ما يبقى مع زميلى لكن من ناحية اننا نكون ايد واحدة ده ممكن وكلنا لازم نقف جنب بعض فى السراء والضراء لان النهاردة عندك بكرة عندى ويا ريت فعلا نشيل من قلوبنا الحقد والكراهية ونعلم اننا جميعا لن نستفيد من المفارقات والمشاحنات لاننا الابقى لبعض ويارب يبعد عننا كل شر

شاكر ليكى يا استاذة أمانى مرورك الكريم بس احنا ممكن نظبط كل حاجة مع بعض على أساس أننا رابطة واحدة وننظم أمورنا سوا ويبقى لينا أفكارنا ومشارعنا بحيث أن الرابطة تبقى مطمع من كل المحامين ويبقى ليها نفوذها ساعتها ممكن نقنن أى اتفاق بينا ونفرض فكرنا على أى محامى ينضم لينا

أحمد عبده أبو محمد كتب:

شكراً ليك يا أستاذ أحمد والله أثلجة صدرى بهذه المشاركة وفعلاً جميع إقتراحاتك بناءة جداً
ولازم نعرف إن الرابطة غيرت كثيراً من أوضاعنا داخل المحكمة وأصبحنا مثل يحتزى به بمحاكم دمياط
إذا كنت تتبعت أخبار الربطة خلال العام الماضى لوجدت أنه لم تحدث مشكلة لمحامى إلا وسخر الشباب أنفسهم لهذا المحامى وتواجده بجواره أضف إلى ذلك تحسين غرفة محامين فارسكور أضف إلى ذلك رحلة اسكدرية أضف إلى ذلك المشاركة بفاعلية فى جميع مؤتمرات المرشحين سواء على مقعد النقابة العامة أو الفرعية وأصبح جميع المرشحين يتهافتون من أجل الوصول لشباب محامين فارسكور وشرح برامجهم الإنتخابية لنا كشباب عكس الفترة التى سبقت إنشاء الرابطة لم يكن لنا كشباب قيمة فى نظرهم أما الآن إختلف الوضع تماماً
وأصبحت محكمة فارسكور ككل مؤثرة فى العملية الإنتخابية وهى التى تقرر من يمثل جموع محامين دمياط و لك مثال حينما إختارت أغلبية محامين فارسكور الأستاذ / هشام أبو يوسف نجح ومثلنا بالنقابة العامة وعندما إختارت الأغلبية الأستاذ / السيد العنانى نجح وأصبح نقيب دمياط 00 أضف إلى ذلك ما أضفته الرابطة على محكمة فارسكور من حب للمحامين بعضهم البعض وأصبح جموع المحامين كتلة واحدة سواء شابا أو جيل وسط أو شيوخ وأصبح جميع الشباب معلوم لدى شيوخ المحامين وهناك إحترام من الشباب لشيوخهم وهذا ما إفتقدناه قبل إنشاء هذه الرابطة 0000 أضف إلى ذلك المنتدى الرائع منتدى شباب محامين فارسكور 000 كما ان هناك منتدى جديد يتم انشاءه سيكون تحفة بكل المقايس ومفخرة لينا 0
إنتهاءاً بدليل هواتف وعناوين المحامين 0
أما بخصوص إقتراحك
رابعا : ياريت نعمل دعوات ورحلات ثقافية ومشاريع لينا ونقابل عضو النقابة ونتكلم معاه ونتفق ونتشاور ده مستقبلنا .
خامسا : يبقى لينا لقاء ولو شهريا فى النادى بتاعنا ونحاول نرتقى بالمهنة شوية يا جماعة 0
فهذه اقتراحات بناءه وجميلة وبإذن الله يحاول الشباب تحقيقها خاصة أنها فى متناول أيدينا

شكراً لك يا أستاذ / أحمد والله جميع مشاركاتك رائعة بالمنتدى وأصبحت أول مفتح المنتدى ببحث على مواضيعك حتى أقرأها فى البداية

والله انا اللى بتشرف لما حضرتك بترد عليا والله يا استاذ أحمد وانا عارف ان الرابطة عملت شغل كبير وبقى ليها صوت لكن انا بطمع فى المزيد

[center]لقد تناولت موضوعا في غاية الاهمية يا استاذ احمد زقزوق وحطيت ايدك على الداء .
في الحقيقة مهنة المحاماة في الآونة الاخيرة تعاني من غياب الاخلاقيات والمبادئ والمثل وراحت تنحدر شيئا فشيئا إلى الحضيض .
وجدير بنا نحن المحامين أن نرفع من قدر مهنتنا ونرتقى بها إلى اسمى الدرجات . ونعيد للمهنة شرفها ومجدها ، وأن نجسد أخلاق المهنة في ذواتنا حتى نكون مثلا يحتذى به .

شكر وتقدير لكل محامى مشترك في هذا المنتدى الذى يعتبر لسان حال محامين فارسكور وبشكرهم علي كل فكرة ابدوها وكل معلومة دعموا بها هذا الموقع وياريت كلنا نبقي ايد واحدة وقلبنا علي بعض ونسيبنا من اى مشاحنات او اي حوارارت جانبية او اي عصبية قبلية ونخلي مصلحة محكمتنا هي الاولي لرفعة محكمتنا ولرفعة هنة المحاماة ونسيبنا من الانتخابات ومما حدث فيها سواء كنت مع مرشح او ضد مرشح ما المهم ان اللى نجح منا محامي يعبر عنا والحمد لله بقي لنا مقعد ومرشح في النقابة يعبر عنا وعن مطالبنا بعد ما كانت محكمة مبهمة علي ساحة محاكم دمياط وياريت كلنا نتقف جنب ممثلنا في النقابة لرفعة محكمة وبلاش نكون منشقين لان العب كبير جدا علي ممثلنا في النقابة (الاستاذ وجدي عبد النبي ) وانا بهنيه بنجاحة وربنا معاه ويوفقة ونري محكمة فارسكور بصورة افضل وافضل في ظل تمثيله لها بمجلس النقابة وذلك برفقة شباب وشيوخ محامين فارسكور الاجلاء