منتدى رابطة شباب محامين فارسكور
:::: مرحباً بحضرتك . إذا كانت هذه هى زيارتك الأولى لمنتدى رابطة شباب محامين فارسكور ::::
فقم بتسجيل عضوية جديدة لتتمكن من الإستفادة من كافة خدمات المنتدى :::: أما إذا كنت قد سجلت معنا مسبقاً فقم بتسجيل الدخول :::: المدير العام للمنتدى / أحمد بحيري المحامي بفارسكور


منتدى قانونى لرابطة شباب محامين فارسكور يهتم بإفادة القانونيين والسادة المحامين فى كافة المجالات
 
الرئيسيةس .و .جبحـثقائمة الاعضاءالمجموعاتالتسجيلدخول

 


شاطر | 
 

 في حبك يا مصر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عمرو عايد
عضو متميز
عضو متميز


عدد المساهمات : 111
تاريخ التسجيل : 09/12/2009
العمر : 36

مُساهمةموضوع: في حبك يا مصر   الجمعة 08 يناير 2010, 4:05 pm

فكرة عبقرية سيطرت علىَّ بصورة أدهشتنى جدا، ألا وهى أن تعويض خيبة أملنا الكروية بالخروج «الكروى» أمام الجزائر، ممكن فى أنجولا بس محتاجين شوية مساعدة من ناس مقتنعة إن إللى حصل للمصريين فى أم درمان وقبلها فى البليدة كتير جدا على شعب طيب.. حتى لو كان المسئولين وحشين قوى خالص!

الفكرة فجرتها أغنية شيرين ماشربتش من نيلها.. فقررت أن أخاطب بهذه الأغنية ثلاثى الأهلى اللى شرب من نيل مصر، واللى عاش فى نادى على ضفاف هذا النيل، والثلاثى ده اثنين منهم أنجوليين هما جيلبرتو وفلافيو.. والثالث برتغالى الجنسية أنجولى الهوا.. محب لمصر.. هكذا كان ولايزال يقول!

الثلاثى اللى شرب من النيل يقدر يرد الجميل، حتى لو كانوا شربوا مياه معدنية، لأنها فى الآخر من النيل برضه، فماذا نطلب منهم؟!

أولا تقديم عرض يرضى المصريين أمام منافسهم الجزائرى.. والمؤكد أن الدعوات المصرية ستحيط المنتخب الأنجولى ومطلوبة.. بينى وبينكم.. وكمان أغلب الظن إنها مستجابة، لأن المصرى كرويا وفى أشياء كثيرة لم يعد يمتلك إلا الدعاء واستجابة السماء.. يعنى ممكن ندعى على اتحاد الكرة أن ربنا يخده، أو على الأقل ربنا يهده.. لأنه أبدا مش هايهديه من «الهداية والهدى»، لكن اللى مش ممكن أبدا أن ندعو جهات مراقبة أو مسئولة. أو سيادية للتدخل تخيلوا؟!

أما جوزيه فأنا متفائل إنه مش محتاج توصية، آى والله جوزيه مش هاينسى فضل مصر عليه، مش زى ناس البلد دى كبرتهم وغنتهم وروقتهم، لكن نسيوها.. ونسيوا حتى الميه اللى شربوها مع إنهم محسوبين علينا مصريين.

كنت ناوى والنية لله إنى آخد معايا جواب صغير أفهمه إن شعب مصر كله ساهم فى كتابته وإن جماهير الأهلى اللى هى جزء من الشعب المصرى بتوصيه بالاهتمام.. الجواب اللى مش هايبان من عنوانه بيقول:
يا عم مانويل إزيك وحشتنا كتير.. ربنا يكرمك وتكون فى أحسن حال.. وسلامنا للابن روى والمدام أم روى هانم وكل الأسرة فى البرتغال وضواحيها.

نعرفك إننا مشتاقين جدا ومنتظرين منك تجيب لنا جزء من حقنا فى مباراة الجزائر وماتنساش إنك روحت هناك ولعبت فى دورى الأبطال يعنى عارف كويس، إيه اللى بيحصل وإن الناس دى دايما ضدنا مع إنهم ولاد عمنا.

على فكرة ماتكلفش نفسك كتير، إحنا راضيين بجولين أو حتى جول يتيم يريح قلبنا ويضمن لفريقك الحالى «أنجولا» التقدم فى مجموعته.. وسيب الباقى علينا لأننا اتفقنا مع الأولاد بتوع المنتخب وحسن شحاتة على انتظار منتخب الجزائر فى الدور الثانى واللى على الله يكون، بس انت اعمل اللى عليك علشان مش كل مصر أهلاوية، وإحنا اتكلمنا معاهم عنك كتير وعن حبك لمصر كلها مش الأهلى بس.. وبنتمنى من الله يوفقك.. آمين، وفى النهاية كل المصريين بيقولوا لك مش هاننسا جميلك ونردها لك فى البطولات.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد عبده أبو محمد
عضو متميز
عضو متميز


عدد المساهمات : 493
تاريخ التسجيل : 26/06/2009
العمر : 38
الموقع : فارسكور بجوار ستديو الجناينى

مُساهمةموضوع: رد: في حبك يا مصر   الأربعاء 13 يناير 2010, 11:10 pm

فعلاً يا أستاذ / عمر شربوا من نيلها
وظهر ذلك جلياً فى التشجيع الجنونى من الجماهير الأنجولية للمنتخب المصرى فى مباراته مع نيجيريا وكان سبب رئيسى فى فوز المنتخب المصرى بالمبارة 3/1 والحمد لله
بارك الله فيك وشكراً على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
في حبك يا مصر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى رابطة شباب محامين فارسكور :: المنتدى العام ( الأقسام العامة ) :: قسم الحوار العام والنقاش-
انتقل الى: