اين انت غدا؟

موضوع: اين انت غدا؟ الإثنين 11 يناير 2010, 9:59 pm

اقتراح بسيط لكل اعضاء المنتدى ؟

كانت هناك فكرة مسبقة من اعضاء الرابطة ولكن للاسف لم يكتب لها النجاح وهى توزيع الجلسات

ايه رايكم لو كل واحد يعرفنا عنه ايه بكرة وفين وهل يمكن لنا ان نوزع عليه جلسات يعنى حد مننا عنده جلستين مثلا بشطا وكفر سعد بدل مايدور الصبح على حد رايح هنا ولا هنا يبقا المنتدى وسيلة اتصال وتوزيع للى عنده اكثر من جلسة ونساعد بعض وده عن طريق ان كل واحد يقول عنده فين تانى يوم وده يكون فى قسم خاص وموحد ويشوف الاخرين وضعهم بالنسبة للاماكن اللى هيكون تانى يوم شغلهم فيها ونساعد بعض؟؟؟؟؟؟؟

اقتراح جميل جدا

اشكركم للمرور بس يااستاذ /محمد ابو عيسى ياريت حضرتك بالذات متردش على مواضيعى بتخلينى انسى الموضوع واتامل المناظر اللى تاخد العقل بالرد الصور بجد جميلة اوى طب رد وعرفنا بتعملها ازاى والا ده سر المهنة بجد مرسى ليك

اقتراح ممتاز وياريت يتم تنفيذه
وشكراً على هذا الموضوع

[quote="إيمان"]اقتراح بسيط لكل اعضاء المنتدى ؟

كانت هناك فكرة مسبقة من اعضاء الرابطة ولكن للاسف لم يكتب لها النجاح وهى توزيع الجلسات

ايه رايكم لو كل واحد يعرفنا عنه ايه بكرة وفين وهل يمكن لنا ان نوزع عليه جلسات يعنى حد مننا عنده جلستين مثلا بشطا وكفر سعد بدل مايدور الصبح على حد رايح هنا ولا هنا يبقا المنتدى وسيلة اتصال وتوزيع للى عنده اكثر من جلسة ونساعد بعض وده عن طريق ان كل واحد يقول عنده فين تانى يوم وده يكون فى قسم خاص وموحد ويشوف الاخرين وضعهم بالنسبة للاماكن اللى هيكون تانى يوم شغلهم فيها ونساعد بعض؟؟؟؟؟؟؟

والله يا استاذة فكرة ممتازة طبعا . وياريت فعلا تتم فى التطبيق الفعلى لان الفكرة دى فعلا فكرنا فيها من بداية نشاة الرابطة اى من حوالى سنة سابقة .

ولكن ممكن الان فعلا يتم تطبيقها على المنتدى وممكن كمان نخصص مجموعة من المحامين لشغل محكمة معينة على سبيل المثال محكمة شطا يكون لها 5 محامين مثلا يكونوا معروفين لدى جميع السادة المحامين وكذلك لجميع المحاكم طبعا .

وممكن هذا يكون له عائد مادى للمحامى فى الحضور لهذه الجلسات يعنى مثلا يكون توزيع الرول للقضية الواحدة مثلا فى شطا عليها 5 جنيه مثلا .

وممكن تنظم احسن من كده المهم تفعيل الفكرة .

فكرة عظيمة جدا
ودى من أول الافكار اللى ناقشتها الربطة ولكن حالت الظروف دون تطبيقها
وشباب كفر سعد حاول تطبيقها على القضايا التى جلستها بكفر سعد فقط ولكنها بائت بالفشل
وأعتقد ممكن نطبق فكرة الاستاذة / ايمان على المنتدى وتبقى دى خطوة نحو انشاء لجنة خاصة بالانابة فى الحضور وفى النهاية ممكن أن يكون هناك عائد مالى للمحامى الشاب الذى يوكل له الحضور بالانابة

الفكرة جديدة وجميلة بس فيه حاجة انتو ناسينها ..... مسألة سرية القضايا ويمكن مش كل القضايا ينفع توزعها كده على المنتدى وبشكل علنى للجميع وخصوصا طلبات المحامى ودفوعه
لكن يمكن تطوير الفكرة والاستفادة منها
ممكن مثلا مدير المنتدى يعمل لنا نظام تصنيف للمحاكم وكل عضو مننا يسجل المحكمة اللى هيكون فيها بكرة فى حالة ميكون مستعد لأخذ نوت إنابه للحضور فيها ويترك رقم تليفونه وبكده المحامى اللى عاوز يوزع يتصل عليه ويرتبوا الموضوع مع بعض
وطبعا يتفقوا على عمولة التوزيعة علشان الأستاذ أحمد أبو زايد يكون مرتاح ومطمن

المرة دى اين انتم بقا ؟

كلكم مريتم على الموضوع واعجبتنى ردودكم جميعا واعجبتكم الفكرة ورحبتم بها اين التنفيذ؟؟؟

وبالنسبة للاستاذ/ طه الفكرة اللى أقصدها فقط معرفة على من نوزع ونقابله تانى يوم ونعطيه نوتة الانابة والملف والتوكيل والدفوع ....والخ مش هتبقى على المنتدى لكن لمعرفة على من اوزع الجلسات ومن هو المحامى اللى هتصه بده فقط ....

المفروض يكون فيه قسم خاص على المنتدى ونبدا بقا فيه كل واحد يقول عنده جلسات تانى يوم فين وعلى
اى اساس هيتم توزيع الجلسات

موضوع: رد: اين انت غدا؟ السبت 23 يناير 2010, 11:11 am

ياريت فعلا نبدأبالفكرة دى ونعمل على تنفيذها حتى لو لاقت فى البداية خطا بسيط وبعد كده هنتعلم منه ونصحح الخطا ونمى الفكرة

موضوع: رد: اين انت غدا؟ السبت 23 يناير 2010, 6:57 pm

شكرااااااا للأستاذة ايمان علي الفكرة الرائعة بس الردود كتييييييير فين التنفيذ وشكرا[i]