يحيا الحزب اللى فى بالى

ماله الحزب يا شعب ضلالى
بيلبسكوا وبيأكلكوا بتلوا وضـــانى
ما بلاش حقد وقلة قيمة ورص كلام على الفاضى
بكرة تحسوا بقيمة النعمة يا شعب أنـــانى
حتى الشاى بيدعمهولنا عاوزين ايه تــــانى
خلو الحكم فى منطقة نائية ملهاش دعوة بأى مرامى
بطلوا جهل وبص لبرة كلها أحلام وأمــــــانى
صعب نعيش زيهم وادى رهانكم وادى رهانى
بلدك حلوة وزى الفل مش محتاجة حتى لكلامى
ولو سئلوك بلدك ايه قول مصر بكل فخر وتعالى
ولو سئلوك مبسوط ؟ قول لا عيشت ولا هعيش زى زمـــانى
أمن وعدل وحرية والنبى هعوز إيه تـــــــــانى !!!!!!!!
مجتش على الشغل والبطالة والأمراض اللى معذبــانى
ومش مهم اهانة من ضابط ميسواش فردة من مداسى
ومش مهم الرشوة ومش مهم كل ده ما هو موجود فى كل مكان مش بس مكانى
المهم انى عايش وبقول يحيا الحزب اللى فى بالى

قصيدة جميلة يا أستاذ / أحمد
وفعلاً
مجتش على الشغل والبطالة والأمراض اللى معذبــانى
ومش مهم اهانة من ضابط ميسواش فردة من مداسى
ومش مهم الرشوة ومش مهم كل ده ما هو موجود فى كل مكان مش بس مكانى
ومش مهم الغلاء ومش مهم قانون الطوارىء ومش مهم ومش مهم ومش مهم
المهم أنا مصرى وأبويا مصرى
ومتقلش ايه ادتنا مصر وقول هندى ايه لصر

الف شكر استاذ/احمد بجد قصيدة هايلة بس سؤال هو حزب ايه؟؟؟؟؟؟؟؟؟؟؟

[quote="إيمان"]الف شكر استاذ/احمد بجد قصيدة هايلة بس سؤال هو حزب ايه؟؟؟؟؟؟؟؟؟؟؟[/quote

نورتى يااستاذة ايمان والله الموضوع ، الحزب اللى بيحكمنا وكفاية بقى الحيطان ليها ودان

أحمد عبده أبو محمد كتب:: قصيدة جميلة يا أستاذ / أحمد
وفعلاً
مجتش على الشغل والبطالة والأمراض اللى معذبــانى
ومش مهم اهانة من ضابط ميسواش فردة من مداسى
ومش مهم الرشوة ومش مهم كل ده ما هو موجود فى كل مكان مش بس مكانى
ومش مهم الغلاء ومش مهم قانون الطوارىء ومش مهم ومش مهم ومش مهم
المهم أنا مصرى وأبويا مصرى
ومتقلش ايه ادتنا مصر وقول هندى ايه لصر

فعلا والله يا استاذ أحمد ونورت الموضوع ومنور كل موضوع بترد عليه

ايه الجمال ده يا استاذ /أحمد ع فكرة انا سمعتك وانت بتقول للاستاذة /ايمان انه الحزب الحاكم بس ما تقلقش مش هقول بس كل اللى أقدر أقوله
يا حبيبتى يا مصر يا مصر

أماني الجيزاوي كتب:: ايه الجمال ده يا استاذ /أحمد ع فكرة انا سمعتك وانت بتقول للاستاذة /ايمان انه الحزب الحاكم بس ما تقلقش مش هقول بس كل اللى أقدر أقوله
يا حبيبتى يا مصر يا مصر

معقولة سمعتى مع انى كنت بتكلم بصوت واطى خالص عشان اللى فى بالى هههههه نورتى الموضوع والله يااستاذة أمانى

بارك الله فيك يا أستاذ أحمد على كلماتك:
يظهر عليك فارس من فرسان الكلمة ، وعلى فكرة كلماتك معبرة وتعبر عن الواقع اللي احنا عايشينه ، كلام له معنى وله هدف وغاية ، أرجو أن تزودنا من كلماتك هذه دائما ولا تحرمنا ، نحن محتاجين فرسان الكلمة الحرة الجريئة .

يذكرني كلام الاستاذ أحمد بقول الشاعر:
يا قوم لا تتكلموا إن الكلام محرم
ودع التفهم جانبا فالخير ألا تفهموا
ناموا فلا تستيقظوا ما فاز إلا النوم.

حاتم خالد جبران كتب:: بارك الله فيك يا أستاذ أحمد على كلماتك:
يظهر عليك فارس من فرسان الكلمة ، وعلى فكرة كلماتك معبرة وتعبر عن الواقع اللي احنا عايشينه ، كلام له معنى وله هدف وغاية ، أرجو أن تزودنا من كلماتك هذه دائما ولا تحرمنا ، نحن محتاجين فرسان الكلمة الحرة الجريئة .

بارك الله لك وكلما أجد رداً منك أزددت تشريفاً فلا تحرمنا منه

» عندما هتف المحامون فى الجيزه: احلف بسماها وبترابها الحزب الوطنى اللى خربها
» عضو مجلس النقابة عن مقعد فارسكور هل يداعب الحزب الوطنى أم الإخوان المسلمين
» افتضاح مؤامرات الحزب الوطنى على النقابات الفرعية : الغربية تنضم الى النقابات الموقوفة بعد صدور حكم من القضاء الإدارى بوقف انتخاباتها
» مكنش يعرف اللى فيها
» تهنئة للأستاذ عصام بشتو بفوزة باكتساح في انتخابات الرابطة وحصوله علي اعلي الاصوات