مشروع نادى محامين فارسكور

السلام عليكم ورحمة الله وبركاتة

مشروع نادى محامين فارسكور

هو مشروع طرح منذ فترة ليست بالقصيرة

وهو تحت المجهر الآن ومن الأولويات الملحه

برجاء من كل محام قادر على الإفادة فى هذا الموضوع أن يطرح وجهة نظره

ومن لديه مكان مميز ليكون نادى لمحامين فارسكور أن يطرحه أيضاً

وبرجاء من السادة المحامين أعضاء مجلس النقابة الجدد أن ينظروا الى هذا المشروع بعين الجديه

لأن هذا مشروع جاد ونتمنى تحقيقه فى القريب العاجل جداً

ياريت والله يا استاذ أحمد يكون محل النظر فعلا نفسنا الحلم ده يتحقق ايه رأيك فى الكافتيريا اللى جمب البنك دى اللى على النيل هى عاوز شوية تجديد بس مكانها روعة والله وصعب أننا ناخدها بس هو مكان بحيث اننا ممكن نستغلها ونستغل قطعة الأرض اللى قدامها يعنى المساحة كلها تبقى لينا

فعلاً أنسب مكان هو الكازينو بجوار بنك مصر أو الكافيتريا كما لإقترح الأستاذ/ أحمد زقزوق
أو قاعة كرومبو - حديقة الأطفال القديمة- بكورنيش النيل وهى تابعة لمجلس المدينة بفارسكور
أو أسفل عمارة المجلاوى شارع كورنيش النيل أيضا وفى اسفلها مساحة كبيرة يمكن استئجارها واستغلالها
وهو حلم يمكن تحقيقه وليس بالمستحيل
وبأشكرك يا أستاذ / أحمد على الموضوع

موضوع: ياخبر أخيرا الأحد 20 ديسمبر 2009, 5:52 pm

الحلم كان يراود الجميع فمتى يتحقق
هل بالقريب العاجل
أم يصبح حلمنا حلم لا أكثر
لقد ترددت في الأونة الأخيرة على لسان البعض
أنه سيتم تأجير نادى أو مكان لذلك

فكرة رائعة ويارب تتحقق ومعلش ويارب سيتمر ويظل نادى للعائلات وللجميع وميتقلبش فيما بعد يبقى مقهى للشباب ويحتلوه الشباب فقط ماحنا سيبينلكم قهاوى فارسكور كلها سيبولنا النادى بقا بعائلتنا ماهى دى الفسحة الوحيدة لينا بفارسكور ولا عاوزين تهججونا من البلد

فعلا المواقع اللى فاتت دى كلها متميزة وعلى النيل واعتقد الافضل فالافضل كازينو عروس النيل اللى جمب البنك ويليه حديقة الاطفال ثم المعرض اللى كان بمنزل المجلاوى او مثلا زى مقر النائب محمد كسبه كبير وعلى النيل او الكازينو الذى يعلة مقهى النبوى دور تانى برضه كويس يعنى الافضل انه يكون على النيل بس يارب يتحقق قبل مااموت

سؤال موجه للجميع مش الشباب دول محامين هو من المفروض أن إحنا كل واحد منا يقعد على القهاوى ولا من الأفضل نلم الشمل فى مكان واحد محترم ويا أستاذة / إيمان فى مكان أكيد هيبقى مخصص للعائلات ما أنا مثلاً لما أكون لواحدى مش هاروح أماكن العائلات ولما أكون معايا أهلى بردة هاقعد مع أهلى بس لما يكون زميل ليه جاى عليا أنا وأهلى هايقعد معانا ز عشان المفروض أن إحنا أهل أسرة واحدة

بالنسبة للموضوع الذى طرحة الاستاذ احمد بحيرى هو فعلا من احسن واجمل المواضيع المفروض نهتم بها فانا بشكره على اهتمامة وطرحه لهذا الموضوع ::::
اما عن فكرة مكانه :::: انا راى الشخصى قبل التفكير فى فكرة او التعليق على مكانه الاول هى فكرة تحقيقة بالفعل لان كما ذكر الاستاذ احمد بحيرى ان الفكرة كانت ليست بوقت قصير وايضا هو حلم عند الاستاذة / إيمان عاوزه تحققه قبل ما تموت ( طبعا طبعا بعد عمر طويل ان شاء الله ) يعنى هى فكرة قديمة فالان كيف تفعيل وتنفيذ هذه الفكرة وبعد كده اى مكان داخل فارسكور هيكون مناسب والله لان اول ما الموضوع ياخد موافقة من نقيب دمياط الاستاذ / السيد العنانى بعد كده يجى دورنا بقى فى تحديد المكان الكويس والمميز لنا كمحامين وانا شايف بان جميع المقترحات على الاماكن هى كلها بالفعل ممتازة

هو بجد موضوع جميل لان شكل المحامى مع احترامى لجميع الساده بيكون بايخ لما يقعد علي الاهاوى ده طبعا كلام مفيش فيه اضطهاد لاصحاب الاهاوى واكبر دليل ان والدى شخصيا بيقعد عليها بس لما يكون فيه مكان زى النادى ده هيكون اشيك وطبعا الاماكن اللي طرحها الساده المحامين كويس جدا ياريت اخد الموضوع بجديه
أ-هيام سعد

على فكرة لم يعد حلما وأصبح حقيقة وفى خلال أيام سيأتى الاعتماد المالى وتطرح كل الاماكن للمناقشة والاختيار ماحنا قلنا عمل بلا وعود عطاء بلا حدود

» إعتصام محامين فارسكور أمام مكتب مدير نيابة فارسكور إعتراضاً على إهانة محامى
» فرمان لشباب محامين فارسكور
» أعزائى محامين ومحامياات فارسكور
» صور اخر جنان تجدها فقط على منتدى شباب محامين فارسكور
» ألف مبروك فوز الأستاذ / عصام بشتو برئاسة رابطة شباب محامين فارسكور