أجب عن السؤال التالى ؟

نعم نريد حصانة ولكن لابد ان تستغل صحيحا فكثير من اعضاء مجلس الشعب والشورى يستغلون حصانتهم فى اعمال خارجة عن القانون ويتباهوا بالحصانة حتى يقع المحظور الاكبر وفين وفين لما الحصانة تتشال عشان يبدأ التحقيق معاه لكن باعتقادى ان المحامى يحافظ على القانون دون ان يتباهى بحصانة واذا حصل عليها لابد وان يكون احرص الناس على الحفاظ عليها وعلى المظهر الللائق بها
*واخيرا شكر خاص للرد على السؤال وتوضيح الراىوالفكر.....

برحب بيكى تانى وتعقيبا على كلامك فعلا معاكى حق بس اللى لمسته صراحة ببرامج جميع المرشحين انهم لمسوا النقطة دى انهم يراعوا المحامين الشباب الجدد وتدريبهم عند المحامين بمرتبات ويعقدوا ليهم دورات تدريبية ويساعدوهم فى عمل مكتبة قانونية تفيدهم ......الخ كلام جميل جدا واحلام اجمل بس ياريت تتحقق ومتكنش احلام انتخابية وكلام بس لا عاوزين فعلا تتحقق وغيرها وغيرها عشان فعلا منجريش على اى مسابقات لوظايف خارجية بصراحة عشان المهنة مش جايبة عميل معانا مش راضية اقول همها معانا اه نجرى من محكمة لمحكمة ومن مكتب لمكتب وبنسمع كلام من موظفين وتعطيل مصالح ......الخ لا على ايه انا ادور على وظيفة حكومية بمرتب ثابت وانا قعدة على مكتبى ....فعلا ده اللى وصل ليه حال شباب المحامين من البنات طبعا لان الشباب بيدوروا ودايما يهربوا للخارج وبجد الله يكون فى عونهم وراهم تكوين ذات كبيييير لو اعتمد على مهنته بالمحاماة وهو لسة جديد مش هيتجوز ولا يفتح مكتب ولا يقدر يعمل لمستقبله الا بعد حوالى 20سنة ...... تكون اسنانه وقعت ههههههههههههههههههههه.فلو فعلا حققنا لو نص احلامنا بالانتخابات والدورة دى صدقونى المهنة هترتقى جدا جدا جدا ومتتخيلوش بجد اللى بيقدم جهد هتلافيه بيسعى انه ايقدم اكتر واكتر دى بس رد على نقطة عمل الشباب الجدد فمابالكم بباقى مشاكل المحامين والشباب والمحاميات........ياريت كلنا نتشارك فيها ونحقق ولو جزء منها مش هنقول كلها لاء جزء بس يكون متنفذ صح وكامل.....وامنية بجد بتمناها انا شخصيا دلوقتى احنا قدام اختيار عضو واحد من ثلاث اعضاء بالانتخابات وفعلا لازم نختار واحد بس مش تقليلا بالباقى وانما هو ده نظام انما لو علينا هنختار الثلاثة عشان نحقق احلامنا فيهم فامنيتى بجد ليه لو عضو نجح باقى المرشحين ينفذوا برنامجهم ايه المانع مفيش حد يحب يقدم خدمة للمحامين وحد هيمنعه او يقف بطريقه سواء من النقابة او غيره طب ياريت ده هيساعد كتير واعتقد ان التلاثة المرشحين كلمتهم مسموعة ومترحب بيها فى كل مجال وفى كل مكان بمجرد انهم محامين سواء كانوا اعضاء نقابة او لا الكل يقدم اللى عنده طالما كان من اساس برنامجه اننا نظهر باحسن مظهر ويصلح حال المحامين بمحكمتنا ياريت ايه راى باقى الاعضاء بالكلام اللى بقوله وياريت اسمع الرد برضه من الاعضاء المرشحين نفسهم يوعودنا لو اراد الله لهم التوفيق ينفذوا احلامنا فيهم ويساعد اللى منجحش انه ينفذ اى خدمة يقدمهلنا لاننا اسرة واحد ويوعد انه لو لقدر الله ومنجحش يساعد العضو النقيب فى تنفيذ برنامجه ويقدمله مساعدات وخدمات..................لانى واثقة جدا جدا ان مفيش حد من المرشحين انا شخصيا هلجاله بمشكلة ما وهيخذلنى فيها لا وهيوصل صوتى للنقابة وهيحلهالى سواء كان عضو نقابى او لاءءءء هستنا ردكم والتوفيق للجميع معلش طولت عليكم شوية

بسم الله الرحمن الرحيم
زملائى الاعزاء اسمحولى ارحب تانى بالاستاذة ليلى وبقولها شرفتينا وسعداء جدا بتواصلك معانا بالنسبة للموضوع المطروح انا بجد بحلم بمحكمه كاملة متكاملة بداية من محامين غيورين على مصلحة محكمتهم متكاتفين ضد اى ظلم او تهميش او عدم اهتمام بمحكمة فارسكور لاننا مش اقل من اى محكمة تانيه ولا محاميننا اقل منهم لاننا بجد ثروه علمية وقانونيه هائله جدا صحيح احنا بنحلم بس اللى عجبنى فى الحلم اننا بنحلم واحنا صاحيين وبنحلم بصوت عالى يعنى الكل سامعنا عارفين ليه لاننا بكده المرشح اللى ربنا هيكتبله النجاح هيكون محاسب مننا كلنا لانه مسئول مسئوليه كاملة عننا وساعتها مش هيقدر يتهرب لاننا حلمنا وسمعناه حلمنا يعنى بالبلدى مالوش حجة وصدقونى الانتخابات دى غير اى انتخابات مرت انا حاسة بكده لان المنافسة قوية كمان احنا بقينا اقوى يعنى من الاخر لن يضيع حق وراءه مطالب ولا انتوا ايه رايكم أظن من حقنا احلامنا تتحقق وبعدين احنا مش محتاجين فانوس سحرى علشان نحقق ده لان احلامنا بسيطة جدا عارفين ليه لانها حقوقنا الضروريه بقول حقوقنا انتوا معايا يعنى المفروض نحصل عليها من غير ما نطلب ولا نحلم انا عارفة انى طولت عليكم بس حاجة اخيرة ياريت نقيبنا القادم يمزج برنامجه مع البرامج الاخرى المقدم بها المرشحين علشان نحصل على احسن خدمة وده طبعا مش هتعمله لوحدك لاننا معاك كل واحد هيقدم اللى هيقدر عليه وده بطريقة بسيطة وسهلة باننا نفعل دور اللجان عندنا اية المانع نعمل لجان متنوعة كل لجنه تقدم خدمه معينة هنلاقى ان العبء بسيط وسهل جدا توصل الخدمه للى محتاجها بدون ادنى مشقة وبالنسبة للحصانه يا استاذ علاء فعلا من حق المحامى انة يحصل على حصانه كاملة ولغاية ما يتحقق ده صدقونى لو المحامى اتعامل بثقة وعزة نفس وعرفت قيمة نفسةويعنى ايه كلمة محامى هيلاقى ازاى مكانته وسط المجتمع بكل طوائفه وانه قوة لا يستهان بها اعذرونى لوحلمى طول عليكم اصلى نايمة من امبارح ههههههههههههههه

الاستاذ الفاضل / علاء بشتو بشكرك ع مجهودك الرائع وبهنيك بنجاح المؤتمر النهاردة وبالتوفيق ان شاء الله ولو انى زعلت لما عرفت انك بعت الصالون بس النهاردة عرفت انت بيعته لية اكيد علشان الكانز صح ههههههههههههههههههه بس تعرف الغريبة انى كنت حاسة انى قاعدة بردة فى الصالون

السلام عليكم جميعا اول مشاركه لى فى المنتدى اللى والله عاجبنى واشكر جدا جهد القائمين عليه وبالتوفيق لجميع المرشحين

الاستاذ /السيد عيد اهلا اهلا ومرحبا بك وشرفنا بانضمامك الينا