الاستشارة القانونية والاستشارة الطبية

بداية عرضى للموضوع احب ان أنوه على جميع السادة المحامين بقرأءة هذا الموضوع والرد عليه بالمقترحات لايجاد الحل] ومع الفارق الشديد فى التشبيه علشان محدش يزعل سواء من المحامين او من الاطباء ] فالاستشارةالقانونية هي الخدمة المتخصصة التي يـقدمها شخص مؤهل في المجال القانوني لمن يطلبها لمساعدته على معرفة الرأي القانوني في مشكلة ما بحياد وموضوعية وفقاً للأنظمة القائمة ، أو هي تقديم دراسة ذات طابع قانوني حول موضوع معين ]

بعبارة أخرى فإن الاستشارة القانونية تتعلق بتقييم موضوع معين من الناحية القانونية أو مشكلة قائمة تثير تساؤلات قانونية ، وتتطلب إيجاد حلول معينة .

فالموضوع بداية هو ما الفرق بين استشارة الموكل للمحامى واستشارة المريض للطبيب؟؟؟؟؟؟؟

كنت عند محامى زميل لى ازوره فى مكتبة فشاهدت اعلان عنده معلق بطريقة شيك جدا مدون به بأن الاستشارة ب 50 جنيه تخصم عند قبول المكتب للقضية فاعجبت بالفكرة وناقشته فيها بان ايه الفرقبين الطبيب والمحامى .

مع ان المهمنتين اصحاب رسالة مهمة ولكن عند دخول الموكل المكتب للاستشارة لم يدفع اى مبلغ ومن الممكن كمان يسالك ويروح لغيرك على عكس الطبيب فالمريض يذهب اليه فى العيادة وفبلدخوله يدفع تمن الكشف وتعتبر دى استشارة ودى استشارة لان الطبيب عند الكشف على المريض يوصف لك علاج للحالة الموجوده عندك وليس يشفيك علطول يعنى .

ايضا مفيش مريض اواى شخص عادى يوقف الطبيب فى الشارع ويبدا فى سؤاله عن علاج للصداع او عن اجراء عملية مثلا .. طبعا على عكس المحامى والموكل او الشخص العادى فهو علطول واقف فىالشارع مع الاشخاص للاستشارات وغيرها

حدود الاستشارة القانونية تتحدد الاستشارة القانونية بموضوع معين وقد تكون لمدة معينة وقد يعمل المستشار لصالح طالب الاستشارة في كل ما يتطلب إبداء الرأي القانوني فيما يقوم بهمن أنشطة وعلاقات قانونية وفقاً لما يـُـتـفق عليه بين المستشار وطالبالاستشارة.
أيضا بان الموكلعند استشارة المحامى مكن بان يدخله فى خمسين حاجة يعنى ( هنعمل ايه فى كذا – وكذاوكذا ) على عكس الطبيب فعند دخول المريض للاستشارة تكون فى حدود فمثلا ودا موقف حصلمعى انا شخصيا وهو باننى كنت عند طبيب اسنا ودفعت الكشف قبل دخوله غرفة الكشفوعندما كشف الطبيب على قال لى بان ضرسك عاوز خلع فوافقت طبعا فقال لى خلعه بمبلغ 50جنيه وفعلا وانا خارج من غرفة الكشف دفعت للمرضة ال50 جنيه فكل هذا طبعا على عكس المحامى .

وفى اخر الكلام عندعرضى للموضوع لمحامين فردوا على بان عدد المحامين كتيررر جدا ولكن احب ان اقولهمبرده عدد الاطباء والله اكترررر ماهى كليه الطب برده بتخرج كل سنه اعداد ماهولة زىكلية الحقوق ولو عملنا احصائية سوف نشاهد ذلك .

ومن هذا كتيررررجدا جدا فانا اناشد كل محامى لقراءة هذا الموضوع والرد عليه بالمقترحات لايجاد حلحتى ولو كل اجتمعنا على راى واحد بان تكون الاستشارة للمحامى هى 10 جنية بس.

موضوع جميل يا استاذ / أحمد
وياريت يتم تنفيذه
علشان الواحد فعلاً بيمشى فى الشارع وكل شويه يوقفوا واحد ويسألوه فى أكتر من موضوع والموضوع يجيب موضوع

موضوع جميل جدا يا استاذ/ احمد بارك الله فيك
طول عمرك صاحب المواضيع الجريئة
ولكن هل نستطيع تنفيذ هذا المقترح فعلياً
وعلى فكرة هو مطبق فى اغلب محافظات مصر
ياريت يا باشا والله يتم تنفيذه
لأن فى أحيان كثيرة بتكون الاستشارة مضيعة لوقت المحامى وبتلهيه عن كثير من اعماله
بس عشان نطبقه محتاج تنفيذ من جميع المحامين وخاصة شيوخ المحامين

قالها ا/ احمد ابو محمد قبلى انك دائما صاحب المواضيع الجريئة تحية طيبة ليك ولمواضيعك

وفعلا صعب الاتحاد على تنفيذ هذا الاقتراح وفعلا لانك ببساطة ان الموكل قبل مايدخل مكتبك بيكون سال
اكتر من محامى وهو نفسه بيقلك انا سالت ا/ فلان قبلك وقال اننا ممكن نعمل ده او ده بس متفقناش على الاتعاب
عشان كده جالك ربما تكرمه بعد مايكون استشار غيرك وبيستشيرك وربما يروح بعد كده لغيرك ....

المشكلة هتبقا مع شيوخ المحامين فعلا صعب بعد مكونوا اسم ومكتب كبير يقولك هناخد اتعاب على الاستشارة عشان بيكونوا ضمنين الموكل مش هيروح لغيرهم.....

الموضوع جميل ولكنه شبه مستحيل ان وافق عشرة فستجد 20 بيكبروا دماغهم

ملحوظة صغيرة : المحاماة مهنة سامية جدا وأرقى مهنة لأنها تجيئ فى مرتبة قبل الطب لأن رفع الظلم أصعب من رفع الألم العضوى

» المسئولية المدنية والجنائية في الاخطاء الطبية
» لمواعيد والمدد القانونية في القـانون المدني
» ما هي الدفوع القانونية في قضايا الجنح والجنايات؟
» الأصول الفنية في صياغة المذكرات القانونية ...
» تابع المواعيد والمدد القانونية فى القانون المدنى 2