انا مبخفش وحفضل أقول ( أحمد فؤاد نجم)

رائعة الشاعر احمد فؤاد نجم

أنا مابخفش وحفضل أقول

كلمة حق عليها مسؤل

إن الريس راجل طيب وبشعبه دايماًَ مشغول

مشغول إنه يلم فلوسهم

بره سويسرا يحوشهلنا

وف حسبات سريه يشلها .....نفسه يأمن مستقبلنا

شفتوا إزاي بقه قلبه رحيم

عنده إيمان وضميره سليم

بيجوعكوا لجل تخسوا

آه يا شعب محتاج لرجيم

من جهلكوا بتقولوا بطاله

وإن الأحوال مش شغاله

دا الراجل نفسه يريحكم

هي الراحه تبقي عواله ؟؟

أما حكاية المنتجعات

ليه بتسموها معتقلات ؟؟؟؟

ليه الظن...... وسوء النيه

نفسه يفسحكوا يا بهوات

أما الكرسي واللى تقال

دا كلام مش محتاج لسؤال

الغلطه دي غلطتنا يا عالم

إن مجبناش كرسي تيفال

والله إنتوا ظالمين الراجل

ضيع عمره ومين يستاهل

حتى الأكل بيكله بدالنا

طالع واكل نازل واكل

ماله الريس بعد دا كله ؟؟؟
rg

» عشان أنت مصرى بقلم أحمد فؤاد نجم
» ماذا أقول له لو جاء يسألنى
» أ/أحمد الجيوشى
» إلى الأستاذ أحمد بحيرى
» مكتب أحمد زقزوق