ياريت نصلح من نفسنا هنلاقى الدنيا حوالين اتصلحت

عاوز نتكلم بجد فى موضوع مهم
كل واحد يتكلم عن عيوبه وايه اللى استطاع انه يصلحه وايه اللى عاوز يعرف راى الاخرين فيه 00
وياريت نتكلم بكل صرااحه
وانا هبدأ بنفسى000

انا كنت نازل المحكمه عام 1993
وكنت انطوائى بعض الشىء لانى نزلت المحكمه وانا حزين شويه على حاجات حصلت لى اكيد كتير ميعرفش عنها حاجه
ده لانى كنت فى كلية الحقوق وكان ترتيبى التانى على دفعتى بتقدير جيد جدا
وعلشان مفيش واسطه لم احصل على حقى فى النيابه العامه
وكنت فى الجيش وجالى تعيين معيد بالكليه وفات ميعاد تقدمى 00 واخدوا اللى بعدى
ورحت اختبار مجلس الدوله بس مفيش واسطه 00 مدخلتش 00 اكيد ده لازم يخلينى حزين شويه ولا شويتين كمان
المهم كنت انطوائى بعض الشىء وقلت اثبت نفسى فى الشغل
ده عيب وقدرت انى اتغلب عليه وبدات اوسع علاقاتى بالمحامين 00
كنت عصبى شويه بعض الشىء وده لان مهنة المحاماه كتير فيها حاجات بتخلى الانسان مشدود عصبيا شويه بتاثر على اعصابه احيانا
والحمد لله بعد السنين اتعلمت الهدوء من الاساتذه الكبار 00
لكن مفيش شك ان مينفعش نكون باردين فى الحفاظ على كرامتنا واننا لازم نثور لكرامتنا اذا اقتضى الحال

ياريت لو حد شايف فيه عيوب تانيه يقولى ولو اقتنعت هاحاول اصلحهاا

فيه ناس والله لو سالتنى عن عيوبها هاقولها وبكل صراحه
ومن غير زعل
اللى خايف من الصراحه ميسالنيش
ههههههههههههههههههههههههههه

ياستاذ / علاء موضوعك كويس جداااا ولكن هل الكل هيتكلم عن نفسة بصراحة وكمان عيوبة مع العلم ان حضرتك اول واحد عارف ان فى كتير مش هيقدرواااا وحتى لو اتكلموا مش هيقولوا الحقيقة طبعا واكيد حضرتك فاهمنى ::::::::

ده موضوع جاد وهادف مشكور عليه يا استاذ علاء ولكن صعب اوى ان الانسان يكون مرايه لنفسه ويذكر عيوبه او الاشياء اللى الناس شايفهه وحشه فيه ولكن علشان نكون مستريحى النفس والضمير ممكن نقول للناس اللى قريبين منا يقولوا على تلك العيوب لانهم اصدقاء واصدقاء بجد يقولوا الحقيقه وانا بطرح نفسى لاخوانى فى المنتدى يقولوا ويحكوا

اما الاستاذ علاء انا بصراحه كنت شايفه وهذه النظره تغيرت الان انه متكبر شويه بس يمكن علشان مكنش لنا كلام مع بعض زى دلوقتى وانا بقول تانى ان الكلام ده اتغير خالص دلوقتى

الاستاذ المحترم
السيد عيد المحامى
يمكن انطوائى شويه فى الاول زى ما قلت خلى الناس تحس انى بعيد
لكن والله كان بعد او حزن من اللى حصلى فى البدايه
لكن اى حد يقررب منى يعرف شخصيتى كويس
ويمكن احنا كنا بعيد عن بعض
والحمد لله قربنا وكل واحد فهم شخصية التانى وبيكون حكمنا على بعض صح
غير لما نكون بعيد عن بعض
وشكرااا لك على لفت نظرى للرد على هذا الامر

أستاذى الفاضل موضوعك شيق جدا ولكن صعب فى نفس الوقت كتير من الناس لم يذكورن عيوبه ولن يعترفون بما أخطأوا حتى لو أن الشخص جالس وحيدا لايعترف أمام نفسه بعيوبه ولكن أننا ممكن نتكلم بصراحة على أساس أننا أسرة واحدة .

يا أستاذ علاء
أنا بطرح نفسى لتقيمك أنت واللى شايف فيه حاجة ياريت ينور بصيرتى عشان أكيد هاغير من نفسى عشان خاطركم بس ياريت قبل الإنتخابات عشان أغير بسرعة
لا بجد أنا بضع نفسى لتقيم السادة الزملاء ووالله موضوع جميل جداً

بلال مشعل كتب:: يا أستاذ علاء
أنا بطرح نفسى لتقيمك أنت واللى شايف فيه حاجة ياريت ينور بصيرتى عشان أكيد هاغير من نفسى عشان خاطركم بس ياريت قبل الإنتخابات عشان أغير بسرعة
لا بجد أنا بضع نفسى لتقيم السادة الزملاء ووالله موضوع جميل جداً

يا عم بلال يعنى لسه مش عارف عيوبك لحد الوقتى
دا انت غريب جدا وطويل جدا جدا وده مش بينفع فى الزمن ده
عيب كده

استاذ احمد ابو محمد
بلاش تشد على بلال لانه حبيبى
صحيح هو بيزعل بسرعه من اقل حاجه ووشه بيتغير بسرعه
وبيخرج عن شعوره احيانا وممكن يزعل اللى ادامه حتى لو كان حبيبه
المهم ده عيب
التانى انه مستعجل اوى ولو عاوز حاجه بيحب تتعمل بسرعه وفيه حاجات معينه لو استعجلناها مش هتم
غير العيب التالت انه مخلص اوى فى زمن قل فيه المخلصين اه ده ميزه مش عيب

مساء الفل يا احمد بيه يابو محمد
بالليل هادخل المنتدى واقولك بصراحه
نسيت اقول لبلال كمان انه مش بيامن لحد بسهوله وعلى فكره ده اصبح ميزه فى زمنا بجد

lمحدش قالى يعنى عيوب فيه 00 غير الاستاذ السيد عيد حبيب قلبى
اوعو تفكروا انى هاسكت انا اللى يسالنى هاقوله والله بمنتهى الصراحه

أستاذ / علاء
جزاك الله خيرا اخي الكريم ، فقد عزفت على الوتر الحساس ولكن ان شاء الله عزفا جميل فأننى إحترم كلامك وكلام الاستاذ / أحمد
ولكن هل تلك العيبوب تطغى على مافى من مميزات إن وجدت ممكن الرد
وما هو السبيل للتغلب على تلك العيون رجاء الرد
أما عن أننى مخلص اوى فى زمن قل فيه المخلصين فـأنا اقل الناس ولله الحمد [center]

الموضوع ده يا استاذ علاء في غاية الاهمية:
فقد قال رسول الله صلى الله عليه وسلم : رحم الله امرئ اهدى الى عيوبي وقال ايضا " المؤمن مرآة اخيه " .
وعلى فكرة هذا من الواجبات ، يجب على كل زميل أن يوجه زميله لاخطائه وعيوبه ، دون خوف او خجل ، وعلى الطرف الآخر ان يتقبل النصح ، وهذا من باب التعاون والتواصي على البر ومن باب الامر بالمعروف والنهي عن المنكر ومن باب حرص الانسان على اخيه الانسان ، ولكن يجب ان لا يتخذ هذا الاسلوب ذريعة للنيل من الاخر او القدح فيه والتجريح في شخصه ، بل ينبغي ان يكون ذلك بدافع الحب والحرص على الطرف الآخر ، وان لا يكون الانتقاد على الملا .
وفي ذلك يقول الامام الشافعي: تعمدني النصيحة في انفرادي وجنبني النصيحة في الجماعة .... فان النصح بين الناس نوع من التوبيخ لا ارضى استماعه.
والحقيقة ان الانسان لا يستطيع ان يقيم نفسه بنفسه ولكن يحتاج للاخرين لكي يرشدونه الى سلبياته وايجابياته.

يا ريت يا جماعة لو سمحتوا أنا يمكن جديد بينكم وكتير ميعرفنيش فيكم أو شاف منى حاجة أنا مستنى أى تعليق من أى أستاذ فاضل

الاستاذ احمد ابو محمد المحترم
تقييم ايه ياعم سيبها لله
دصحيح انته بتحكم على حاجات بسرعه وقد تكون هيه محتاجه شوية وقت
لكن انته والله شاب جميل وتستاهل كل خير
وعيبك التانى انته عارفه انى عاوزك ت خ ؟ فهمت ولا لسه
علشاان نفرح فيكى انته كمان

استاذ محمد عماد
والله اسم فنى
هى الضاره دى اللى اتكسرت فى الرحله 00
انته عارف يا محمد عيبك ايه
ان الحماس ااخدك حتى كل حركاتك سريعه والمحامى دايما علشان يحظى باحترام الناس بكون هادى فى التعامل
اهدى شويه يا استاذ

إيه يا عم علاء
مرديتش عليا ليه ولا الكلام عندك خلص رد وجاوبنى على سؤالى
طيب تعرف عيبك إيه
أولاً :- أن هناك أشخاص لك بيحبوك ولكنهم بأفعالهم تأخذ عليك فهيمنى .
ثانياً :- الجانب الشخصى ليك إحنا أتكلمنا فيه من قبل وانت حاولت تغيره بس شد حيلك كمان شويتين .

تحية اليك والى موضوع الرائع بجد وبنحييك على صراحتك المطلقة
بلنسبة ليا ولوجهة نظرى لشخصك الكريم طبعا لاتذكر لانك استاذ فاضل وانا لسة بمقتبل العمر ولكن ساكون معك صريحة عنك قد شابنى عنك شعور ما وسئ وذلك عن طريق السمع من اناس عن شخصك ومعاملتك و....الخ ولكن انا شخصيا لما اصادف فيك شيئا من ذلك ربما لاختلاف الاوضاع ولكن والله اعلم اننى منذ فترة تعلمت منك اشياء وبدات حساباتى تختلف فيك واصبحت اقيم ناس عن ناس وبدات اعرف انه من الممكن اطلاق اشاعة على شخص تشوبه لفترة طويلة وللاسف كانت من ناس مقربين اليا ولكن مالمسته فيك هو شعور لاخ كبير فاضل ومحترم ..........وكل ذلك قبل معرفتى حتى انك سترشح بانتخابات النقابة الفرعية منذ سنين ولكن اشهد الله انى اكن لك عظيم التقدير والاحترام ........لانى عرفتك عن قرب وتعرفت عليك اكثر واكثر......متزعلش من صراحتى وكلامى ليك...
وطبعا مش هطلب تقييمى منك فالعيوب اكتر بكتيييييييير من مميزاتى ان وجدتت ...............وشكرا ثانيا على موضوعك الرائع

والله يا استاذ علاء فى بدايتى فانا اشكرك على هذا الموضوع
وايضا انا لم ازد عليك النقطة او من وجهة نظر بعض الاستاذة المحامين بانك كنت بعيد تماما فى الفترة السابقة وذلك لكنك رديت عليها وحتى الان فى تغيير كبير وملحوظ ..... ولكن ممكن انا ارد من وجهة نظرى الشخصية وهى اننى الان ومنذ فترة كنت بجوارك وشاهدت منك عكس الكلام دا تماما لان معاملتك مع اصدقك الشخصيين والبعض من المحامين كاصدقاء شخصين ايضا لم تتغير اى نفس المعاملة فى الفترة السابقة هى نفس المعاملة اليوم وهذا دليلا على ذلك . فانا لم اطل فى موضوع تم النقاش فيه .
وايضا سوف اخذ عليك يا استاذ / علاء تقييم بسيط وانت قد وقيمت فية الاستاذ بلال وهو انك بتأمن للناس كلهم فانا بعقب عليك فى هذا فانت نفس الوضع وطبعا انت فاهمنى ياريس ..
ناتى لاخر حاجة وهى تقييمى انا (فارجو تقييمى وبصراحة شديدة ) وذلك لتعديل اخطائى وعيوبى .
وشكراااااااااااااااااااااااا

استاذي الفاضل

كم سعدت بقراءة موضوعك الشيق وفكرته الدلة علي شجاعتك وقوة شخصيتك لكن استاذي لا تندرج تلك الشجاعة في كل البشرفهناك ضعاف النفس الغير قادرين علي مواجهة عيوبهم والسعي وراء ابادتها وليس هناك بشر ليس
لديه عيوب وليس هناك انسان كامل الاوصاف وفي النهاية اوجه اليك الشكر واقول لك وبكل صراحة خسرناك نقيبا لنا وكسبناك اخا لايعوض

استاذه ايمان
اذا سمحتى لى وانا اخوكى انا اقيمك
وهذا شرف لى
فانا معجب بشخصيتك الجاده فى عملك وحبك لمهنة المحاماه 00
لا تسمى ما اقوله نقد وانما عتاب رقيق
اشعر انك بعيده نوعا ما عن المحاميات والمفروض انكم وحده واحده 00 وايضا قد تستمعين لشىء معين من طرف دون الطرف الاخر وتتصرفين على اساسه ومن اساسيات مهنة المحاماه تحليل الاشاعه او القول
والتعرف على حقيقة الامر قبل الحكم 00 وقد حكمتم على قبل البيان وشكراااا 00

عمرو عايد حبيب قلبى والله يا عمرو 00
كلامك يدل على حبك لى وانا يكفينى هذا الحب 00 وانته واللله لا تختلف عن عصام وسمير
بس هلوم عليك يا عمرو 00 سيطر على انفعالك شويه لان ده هيقول عليه ادام انه عيب كبير زى ما قالوا عليه دالواتى انى كنت انفعالى من 15 سنه 00 تخيل بيفكرونى انى كنت انفعالى من 15 سنه 00
خلى بالك شويه 00

موضوع جميل يا أستاذ علاء
فعلاً الواحد لازم يعرف عيوبه علشان يحاول يغيرها ولكن من الصعب أن يعترف إنسان بعيوبه فى هذا الزمان
ونفسى لو حد شايف فى عيب يقوله بصراحة

اهلا يا مسعد بيك
شرفت الموضوع بمشاركتك والله
تعرف عيبك ايه يا مسعد بجد والله
انك انسان نقى ووفى وصادق فى زمن قل فيه الاوفيااااء 00
ممكن توصل لدرجة انك تكون غريب فى وسط اللى حواليك 00
بس ده مش عيب ده نادر لما تلاقيى كده اليومين دول
انته شخص انا باحترمه واقدره 00 والله بدون اى تداعيات اخرى لكلامى 00

شكراً يا استاذ علاء
دى شهادة أعتز به من إنسان عزيز وغالى على

موضوع: على فكرة الثلاثاء 29 ديسمبر 2009, 9:44 pm

على فكرة يا جماعة انا أكثر واحد عارف الاستاذ علاء وأكثر محبيه وانا وأعرفه من وهو فى أولى حقوق وانا فى سنة رابعة بالمدينة الجامعيه هو كان حجرة 402 وانا 401 وهو كان أكثر الطلبة اجتهادا من اول يوم دخل فيه الكلية وأشهد له بالكفاءة فى العمل وكفاية ان استاذنا واحد ولكن هقوله نصيحة أصلح بيها عيب عنده (ياريت تمشى بدماغك وانا أثق فى دماغك كويس أوى ومتبقاش ودنى)

استاذ وجدى
مساء الفل
هو انا كنت فى حجره 402 ولا 405
المهم هسمع النصيحه ولازم تعرف انى بجد باحبك وانا او انت اعضاء فى النفابه صدقنى واحد

تحية طيبة وغالية ليك

اشكرك عظيم الشكر على كلامك الحلو وعلى تقييمك اللى بجد بعترف انه صحيح انا معاك انى ممكن اكون حكمت على ناس من اقوال ناس كانوا قريبين منى جدا وصدقت كلامهم واقتنعت بيه دون الطرف التانى ومعلش فعلاحضرتك كنت واحد منهم لحد مالايام تثبتلى العكس وبجد اتعلمت من ده لكن بالنسبة لموضوع البنات لا انا قريبة منهم لكن بحدود ليصبح بينا فقط الكلمة الحلوة والطيبة لانى عندما كنت قريبة من بعضهم اساءوا اليا ووقعونى مع ناس تانية فلذلك اتبع مثل صباح الخير ياجارى انت فى حالك وانا فى حالى لتبقى بينا كلمة حلوة فقط وشعور طيب وعلى فكرة والله لما واحدة بتقع بمشكلة لقدر الله بتامنى انا عليها لحلها او الوقوف معها لان ده طبعى(فى حالى) وبجد بحترم فيك رايك وتقييمك وبحى ا/ وجدى عبد النبى على روحكم اللى بجد حلوة ويارب ماتفقدوهاش

شكرا لجميع الاعضاء

السلام عليكم ورحمة الله ....
ياجماعه الموضوع فعلا فى غاية الأهمية وأنا حاسس كده اننا حولناه لقعدة مجاملات لطيفه وتبادل للمشاعر الطيبة اللى بتربطنا وده فى حد ذاته جميييل جدا ..... ولكن ياريت مننساش أصل الموضوع الحيوى ده
ياريت نستفيد من الفرصة الطيبة دى ولسه المنتدى كله عائلى ومحدود العدد ونبدأ بجد فى المصارحة عملا بمبدأ
" رحم الله امرء أهدى إلى عيوبى " أنظرو إلى اللفظ الجميل .. أهدى إلى فوقوف الانسان على عيوبة هو بحق أغلى هدية يحصل عليها من صديق مخلص صدوق لأنها ستكون له بمثابة نبراساً يضىء له الطريق نحوالصواب فى زمن كثرت فيه الظلمات وتشعبت فيه السبل
ومن هذا المنطلق فاننى أستحلفكم بالله أن تكونوا مرآة صادقة لى فى وصف عيوبى وأن تقدموا لى تلك الهدية بكل وضوح وإخلاص وسأتابع معكم التعليقات بكل حب واشتياق
ولا يفوتنى هنا أن أقدم خالص الشكر والتقدير لأخى الأستاذ علاء على اختياره لهذا الموضوع الهام

أستاذى العزيز
الاستاذ طه زهران
مفيش مانع اننا نفضل ديوك نكاكى مع بعض لكن فى الاخر احنا حبايب اوى اوى
هههههههههههههههههههه
والله انا بجد باحبك يمكن فاهمه غلط او انته فاهمنى غلط او زعلنا من بعض لاى سبب
لكن فى الاخر احنا حبايب
اقولك ساسيدى عيوبك
سايبنا كده وكل فين وفين تبقى موجود 00
حسينا انك مش من فارسكور 00 وانته استاذ من كبار فارسكور
لازم تكون موجود معانا ونشوف الشباب دول اللى هم امانه فى رقبتنا
وسيبك يا عم من اى حاجه حصلت 000
نقطه ونبدأ من جديد

والله يا استاذ علاء الاستاذ طه مفيش اطيب منه واسالنى انا لاننى اعتبره بلاش اب لى علشان مكبروش اوى ولكن اخ لى والله العظيم انا بعزة جدا جدا وعلى العموم انت يا استاذ علاء كلامك بردة كويس عند نقطة ونبتدى من جديد ودا راى الاستاذ طه بصفة عامة فى اى موضوع .
ولكن انا بلوم عليك ياستاذ علاء لانى يعتبر قيمتك ولكنك م ترد على بالتقييم فارجو الرد
وشكررررررررررررررررررااااااااااااااا.

موضوع: شايف الأربعاء 30 ديسمبر 2009, 7:55 pm

والله يا عم انا فاكر ان هى 402 بس انت ادر لان انت اللى سكن مش انا وعلى العموم 402 من 405 مش فارقة أوى المهم النفس وانا شايف ان من عيوبى انى حسن النية اكثر من اللازم وكثير التفكير فى صمت وانى احب العمل فى صمت ولاأعتمد على غيرى وأحب أوى أفكر بنفسى وأخطر عيب فى انى احب ارضى الناس كلها والنتيجة ان كل الناس قد تزعل منى وانا عايش لغيرى مش لنفسى

أستاذى وأخى العزيز : طه

والله بجد من تواجدى معاك فى عملك تعلمت منك الكثير من النصائح وليست فى المحاماه ولكن فى الحياة وشتى المجالات وأحلى حاجة بتعجبنى فى حضرتك أنك كثير القراءة والمعرفة وعقلانى جدا ولازم لو فيه مشكلة تنظر لها لبيعد المدى ولابد من أجد لها حل عندك . وبجد نفسى تتواجد كتير فى محكمة فارسكور وسط الشباب وتحتويهم يمكن دة عيبك أنك مش متواجد كثير بيننا .

عارف يا استاذ احمد
انته اطيب واحد شفته فى محكمة فارسكور ومكسب انا كسبته من الانتخابات
بجد اللى يعرفك عرف راجل بجد
ولو فيه عيب انا من غير ما تطلب هاقوله والله يمكن لسه ماشفتش عيوب بس اللى هاحسه والله هاقيمك فيه بجد
ربنا يوفقك دايما يا احمد فى حياتك

الأستاذ الفاضل والأخ الحبيب أ علاء
مش عارف هتصدقنى ولا إيه واللهى أنا من أول متعرفت عليك فى بداية حياتنا العملية وأنا ارتحتلك بل وحبيتك وعلى فكرة انت وقتها مكنتش منطوى ولاحاجة ملاحظتش ده فيك أبدا بالعكس كنت هادىء ومحبوب واجتماعى
كانت شخصيتك وقتها قريبة من شخصية عصام أخوك بهذا الهدوء وهذا الجمال لكن شوية شوية الشغل فى الجنايات زود شخصيتك حدة وبقيت بتظهر للناس بشخصية فيها تكبر وتسلط وأنا متأكد إن ده غير شخصيتك الحقيقية تماما .. وبعد شويتين تانيين دخلت فى معترك العمل النقابى ولما دخلت هذا المجال بدأت مظاهر الشخصية دى تسببلك مشاكل مع اللى يعرفوك وزاد الأمر صعوبة انك بقيت بتشك فى كل اللى حواليك يمكن من كتر الضغوط اللى اتعرضتلها بس فوجىء اللى حواليك انك عمال توزع عليهم اتهاماتك بدون حق وبدون دليل .. المهم مش عاوزك تزعل منى انت اللى طلبت الصراحة وأنا من طبيعتى أحب أكون واضح وأقول كل اللى فى قلبى علشان أحافظ على قلبى صافى ونظيف من ناحية كل الناس وخصوصا الناس اللى حبيتهم وعاوز أفضل علطول أحبهم
مع تمنياتى لك بالتوفيق والسداد فأنت انسان جاد وناجح فى عملك وخامتك من أطيب الخامات
بس انت كده خدتنى فى الموضوع ونستنى أقولك عاوز بجد أعرف عيوبى اللى انتوا شايفنها فيه لأن الواحد ممكن ميقدرش يشوف نفسه من داخلها زى مالآخرين يشوفوها من خارجها وأنا منتظر ردودكم

[img]

ياريت نصلح من نفسنا هنلاقى الدنيا حوالين اتصلحت 284522296556327

[/img]

لقد كتبت كلمة جميلة أعجبتنى على إيميلك
وهى : ( أهم من صداقتك صدقك معى )
وأعتقد أنه لا أحد يعرفنى أفضل منك فأرجو تذكر لى عيوبى بصراحة
وشكراً على الموضوع الرائع

[img]

ياريت نصلح من نفسنا هنلاقى الدنيا حوالين اتصلحت E14ko3

[/img]

السلام عليكم ورحمة الله وبركاته

أحمد بحيري معك ياستاذ علاء تحت المجهر

وكمان احب الاستاذ / طه زهران يقول عيوبي لأنه قريب مني قوي

بس انتو عارفين أنا المدير هنا ماشي هههههههههههههههههه

وبلاش الأستاذ / احمد أبو زايد يتكلم في الموضوع دا أنا قولت الأستاذ علاء والأستاذ /طه .

الاستاذ محمد السلنتى
الصديق الغالى الحبيب القريب الى قلبى وروحى ونفسى
وضعتنى فى موقف حرج ان اقيمك ولكن يلااا هاقول العيب الخطير
انته يا محمد بعدت كتير عن محكمة فارسكور اوى وكان نفسى تكون من الناس البارزه فيها لانك محامى كويس اوى اوى اوى
بجد مش شايف فيك عيوب يا باشا والله قاعد ادور على عيب مش لاقى

أحمد بيه بحيرى
تصدق انى مستنى طلبك ده على نار
اهلا ياباشا
دانته مفيش حد فى المحافظه مش عارف عيوبك
وهى تتلخص فى الاتى
الموااااااااااااااااااااااااااعيد اللى تخلى الحجر يتكلم
وتانى حاجه انك انسان بمعنى الكلمه وطيب وعملت موقف يا احمد عمرى ما حياتى ما انساه من ذاكرتى
مهما طال بى العمر سأظل طول عمرى فاكره ودليل على حبك ليه 00
مش هاقول عليه لان فيه ناس كتير عاوزه تعرف 00

أستاذ / علاء
ما تقول يا باشا كلنا أذان صاغية عايزين نعرف أحمد بيه بحيرى عمل إيه عشان يزيد حبه فى قلوبنا كلنا أكتر وأكتر
وأرجع وأقولك عايز منك نصيحة عشان أعدل من نفسى بس تقولى واحد أثنين ثلاثة ولو فيه خمسة ستة ماشى
سلام ياريس .

انت إللى جيتلى برجليك يأبو حميد
شوف يأستاذ أحمد يابحيرى الواحد مننا لازم يكون عنده صبر وطولة بال وينتظر لما الناس تبينله عيوبه واحده واحده ....... ها زهقت منى ولا ايه أنا لسه مقولتش حاجة
عاوزك يأحمد تبص للدنيا من خلال نظارة فاتحة شوية وبلاش النكد والنظرة السودوية للأمور واللهى يأخى الدنيا حلوة وكل المشاكل اللى فيها مشاكل وقتية وبتزول بسرعة ومفيش فيها حاجة بتدوم ولا بتفضل على حالها والمرة فيها أكيد هتتغير والحلوة كمان بتتغير
ربنا يسعدك فى الدنيا والآخرة ويحققلك كل ماتتمناه فأنت بحق رجل فيك ميزات الرجولة والشهامة وايجابياتك أكتر بكتير من عيوبك الظاهرة وربنا يوفقك
على فكرة أنا رايح ابلغ أحمد أبوزايد يدلى بدلوه فى الموضوع .... ولا بلاش علشان انت المدير ياعم وبعدين ترجع تعملى حظر من المنتدى وربنا يجعل كلامنا خفيف عليكم

والله يا استاذ طه
شكلك هتاااخد حظر

من الاستاذ احمد بحير المدير
عاوز حد يتوسط عنده
هههههههههههههه

ياعم علاء خليك محضر خير أمال المدير بتاعنه راجل طيب وقلبه أبيض زى اللبن الحليب
بس اللى قالقنى انه لسه مردش عليه لغاية الوقتى الظاهر انه بدبرلى حاجة تانية غير الحظر وربنا يستر

طيب وعيوبى أنا بقى إية يا أستاذ طه بحكم أنى إشتغلت فترة كبيرة مع حضرتك وياريت تقولى بصراحة عشان أغيراها

تمام استاذ طه . تمام استاذ علاء . وربنا يخليكوا ليا .

استاذ طه / خد بالك من نفسك بقى .

وفيه عضو معانا فى المنتدى يدعى / احمد ابو زايد . قولوله ياخد باله من نفسه .

معالى المدير العام
الأستاذ / أحمد بحيرى
الله يخرب بيت اللى يزعلك
والله احنا عايشين علشان رضاك ورضا الوالدين
متكنش زعلان من حد فينا
أخوكم فى الله أحمد أبو محمد

استاذ احمد ابو محمد
أعلن عن شىء بصراحه هو ان ينال كل منا رضا المدير العام للمنتدى
هو بصراحه يا استاذ احمد
يستحق لان من غيره مكنش هيبقى فيه لا منتدى ولا غيره
محكمة فارسكور من يوم النت ما ظهر على الساحه مفيش لا موقع ولا منتدى
الا بوجود الاستاذ احمد بحيرى ورابطة الشباب
هل يستحق ام لا

» ياريت
» لو صادفك إنسان أعمى وطلب منك أن تصف له الدنيا فماذا ستقول له ؟
» عجائب الدنيا السبع
» وما نيل المطالب بالتمنى ولكن تؤخذ الدنيا غلابا