| ما تيجوا نبقى ايد واحده | |
|
+5محمود علي بديوى أحمد العيسوي أحمد عبده أبو محمد احمد ذكي أماني الجيزاوي 9 مشترك |
كاتب الموضوع | رسالة |
---|
أماني الجيزاوي عضو متميز
عدد المساهمات : 145 تاريخ التسجيل : 06/12/2009 العمر : 40
| موضوع: ما تيجوا نبقى ايد واحده الخميس 24 ديسمبر 2009, 3:16 pm | |
| ايه رايكم يا جماعة تعالوا كلنا نبقى ايد واحده الرابطه واللجان كلنا يعنى محامين فارسكور ايد واحدة لمصلحتنا كلنا كمحامين ومحكمه بجد نفسى اسمع تعليقات الجميع ع الموضوع ده وكمان أفكاركم ازاى نكون ايد واحدة | |
|
| |
احمد ذكي عضو جديد
عدد المساهمات : 9 تاريخ التسجيل : 11/12/2009 العمر : 35
| موضوع: رد: ما تيجوا نبقى ايد واحده الخميس 24 ديسمبر 2009, 3:21 pm | |
| ياريت والله يا استاذه اماني ده يحصل | |
|
| |
أحمد عبده أبو محمد عضو متميز
عدد المساهمات : 493 تاريخ التسجيل : 26/06/2009 العمر : 45 الموقع : فارسكور بجوار ستديو الجناينى
| موضوع: رد: ما تيجوا نبقى ايد واحده الخميس 24 ديسمبر 2009, 4:02 pm | |
| - أماني الجيزاوي كتب:
- ايه رايكم يا جماعة تعالوا كلنا نبقى ايد واحده الرابطه واللجان كلنا يعنى
محامين فارسكور ايد واحدة لمصلحتنا كلنا كمحامين ومحكمه بجد نفسى اسمع تعليقات الجميع ع الموضوع ده وكمان أفكاركم ازاى نكون ايد واحدة بجد موضوع جميل يا استاذة وأنا نفسى نكون جميعاً يد واحدة ونطرح جانبا أى اختلاف فى الرأى فما دام الجميع متفق على الإرتفاع بشأن المحامين وتحسين اوضاعه فما المانع من أن تتحد كل هذه الآراء ويا جماعة والله ماهى فرقة مين يخدم المحامين سواء النقابة ممثله فى أستاذى الجليل/ وجدى أو الرابطة ممثلة فى الشباب أو اللجان حين يتم تشكيلها أو حتى أى محامى منفرد يتبرع بذلك وكل ده شىء جميل مكنش موجود قبل كده إنا عايز الكل يتسابق من أجل اسعاد زملاءه من المحامين والوقوف بجوارهم فى أزماتهم دون النظر إلى من سيسبق الآخر فى هذا الأمر ويارب يكون الكل سباق والتكاتف بيننا كزملاء هام جداً ونريد إضفاء روح الحب والمودة على المحكمة وياريت نكون نحن كشباب سباقين فى هذا الأمر وشكراًَ يا أستاذة أمانى على هذا الموضوع والذى ينم على مدى حبك لمحكمة فارسكور وصفاء قلبك لكل من هو محامى | |
|
| |
أحمد العيسوي عضو متميز
عدد المساهمات : 40 تاريخ التسجيل : 14/11/2009 العمر : 41 الموقع : فارسكور . شارع صلاح سالم
| موضوع: لم يعد في العمر بقية الخميس 24 ديسمبر 2009, 6:16 pm | |
|
أستاذة / أمانــــــي الجيزاوي
بجد رأيك تمام وفي محله لكن فين اللي ينفذة .انا والله عن نفسي أتمنى ان ده يحصل . بس فين بناشد السادة المحامين والمحاميات بالوقوف جنب الي جنب من أجل مصلحة المحامين ومصلحة هذه المحكمة العريقة . ومن أجل رفعة شأن المحامين والمحاماه . لذلك أقولها لكم جميعا دون تفرقة " لم يعد في العمر بقية " بمعني الله أعلم لسه في العمر بقية ولا لأ. بجد نفسي أشوف المحكمة دي تبقي رمز ينضرب بيه المثل علي مستوى محاكم محافظة دمياط . بل والجمهورية كمان . كل اللي ينزل محكمة فارسكور يقول دي مش محكمة . دة بيت دي أسرة واحدة بتشتغل مع بعضها . مصلحتهم سوا قلبهم علي بعض . مش النهاردة عشان تحديد ميعاد الانتخابات للرابطة الاقي مليون رأي . ده أسميه شئ واحد بس وهو " صراع الديوك " ولا رأيك اية يا بلال يا بلبل فارسكور انت؟ كل واحد فرحان بالحنجرة بتاعته عمال يزعق . مع اني والله ما حد يعرف حنجرتي . بسم الله ما شاء الله تسمع اللي في رأس البر . امسكوا الخشب . هههههههههه بجد يا جماعة نفسي نبقي كدة . ولكم مني كل حب و تقدير واحترام أخوكــــــــــــم أحمد محمد العيسوي | |
|
| |
محمود علي بديوى عضو متميز
عدد المساهمات : 101 تاريخ التسجيل : 13/08/2009 العمر : 41
| موضوع: صدقتى فيما قولتى يأ ستاذة الجمعة 25 ديسمبر 2009, 7:03 pm | |
| صدقتى فيما قولتى واحيى فيكى رأيك السديد و ياريت كلنا يبقى قلبنا علي بعض ونحاول نعبر عن راينا بشكل حضاري وننسى اللي فات | |
|
| |
أماني الجيزاوي عضو متميز
عدد المساهمات : 145 تاريخ التسجيل : 06/12/2009 العمر : 40
| موضوع: رد: ما تيجوا نبقى ايد واحده السبت 26 ديسمبر 2009, 3:26 pm | |
| واللهى انا فرحانه جدا بالمشاركات دى بس مافيش حد طرح فكرة ازاى نبقى ايد واحدة يعنى نعمل ايه علشان نبقى ايد واحده | |
|
| |
أحمد أبو زايد عضو متميز
عدد المساهمات : 138 تاريخ التسجيل : 29/11/2009 العمر : 43 الموقع : دمياط - فارسكور - بجوار استديوا ايمن للتصوير
| موضوع: رد: ما تيجوا نبقى ايد واحده السبت 26 ديسمبر 2009, 10:35 pm | |
| - أماني الجيزاوي كتب:
- واللهى انا فرحانه جدا بالمشاركات دى بس مافيش حد طرح فكرة ازاى نبقى ايد واحدة
يعنى نعمل ايه علشان نبقى ايد واحده بداية وردا على موضوعك يا استاذة امانى فهو من اجمل المواضيع فى المنتدى ولم ازد شيئا ولا كلاما بعد كلام الاساتذة السالفين بالرد . ولكن ردا على تعليقك الاخير فانتى يا استاذة من وداخل محكمة فارسكور وادرى ايضا بما يدار بين المحامين شبابا وشيوخا ايضا فاطرحى علينا فكرة ازاى نبقى يد واحدة مع العلم ان من السهل تحقيق هذا وبدون افكار وذلك بتصفية النفوس بين جموع المحامين بس والعمل على ذلك . وهذا من وجهة نظرى الشخصية . وشكرا للاستاذة أمانى مرة اخرى لطرحها لهذا الموضوع | |
|
| |
محمد السلنتى عضو متميز
عدد المساهمات : 200 تاريخ التسجيل : 19/11/2009 العمر : 56
| موضوع: رد: ما تيجوا نبقى ايد واحده السبت 26 ديسمبر 2009, 11:02 pm | |
| - أماني الجيزاوي كتب:
- ايه رايكم يا جماعة تعالوا كلنا نبقى ايد واحده الرابطه واللجان كلنا يعنى
محامين فارسكور ايد واحدة لمصلحتنا كلنا كمحامين ومحكمه بجد نفسى اسمع تعليقات الجميع ع الموضوع ده وكمان أفكاركم ازاى نكون ايد واحدة [size=24]أولاً : أود أن أحييك على مساهماتك الفعالة وعلى تواجدك بالمنتدى ثانياً : على هذا الموضوع الجميل
أعتقد ان المنتدى له دور كبير فى تنمية وتعاظم هذه الروح فأنا ملاحظ أن كل أعضاء المنتدى لديهم نفس الرغبة وهى أن تكون محكمة فارسكور يد واحدة من أجل هدف واحد وهو رفعة المحكمة وأرجوا فى المرحلة القادمة أن يتم الدعاية للمنتدى بشكل أكبر والأستاذة / أمانى الجيزاوى ، وإيمان يوسف ، مطالبتان بزيادة أعضاء المنتدى من المحاميات ، والمحامين الشباب يقع عليهم عبء زيادة الوعى بذلك المنتدى لأنه فى رأيى أن أى محامى سيدخل المنتدى وسيشترك فى تلك الحوارات ويرى تلك الروح السائدة سينضم تلقائياً لتلك الفكرة الرائعة وهى وحدة الصف
واسمحى لى أن أعبر لك عن جزيل شكرى وامتنانى بذلك الموضوع واعترف أننى شديد الإعجاب بكل مساهماتك مع تمنياتى بالتوفيق دائماً
عدل سابقا من قبل محمد السلنتى في السبت 26 ديسمبر 2009, 11:46 pm عدل 1 مرات | |
|
| |
بلال مشعل عضو متميز
عدد المساهمات : 180 تاريخ التسجيل : 06/07/2009 العمر : 46 الموقع : belal_mashal2004@yahoo.com
| موضوع: رد: ما تيجوا نبقى ايد واحده السبت 26 ديسمبر 2009, 11:28 pm | |
| أماني الجيزاوي كتبت: ايه رايكم يا جماعة تعالوا كلنا نبقى ايد واحده الرابطه واللجان كلنا يعنى محامين فارسكور ايد واحدة لمصلحتنا كلنا كمحامين ومحكمه بجد نفسى اسمع تعليقات الجميع ع الموضوع ده وكمان أفكاركم ازاى نكون ايد واحدة والله فكرة جميلة جداً بس يا استاذة / أمانى الرابطة موجودة بالفعل وشغالة أما اللجان فليست بافعل موجودة على أرض الواقع هى مسمى حتى الأن على الورق ولم تفعل من قبل وهى موجودة كما سبق فى القانون بنص المادة 156 بس فى شىْ فى إيدنا ليه مش نحافظ عليه ونقوية وعلى رأى النقيب الفاضل الأستاذ / السيد العنانى دول ( الرابطة ) ربنا جمعهم على قلب رجل واحد ليه نفرقهم ويا أستاذ / محمد يا سلنتى حضرتك مطلوب منك إثراء المنتدى بالعديد والعديد من أفكارك البنائة وفكرك المتظور وشكرأ للأستاذة / أمانى على هذا الموضوع ووالله إحنا نجحنا بالمنتدى من أجل وحدتنا وترابطتنا وإنسجامنا جميعاً ألأستاذه / أمانى شفتى المنتدى داة دا ما أفكار وأعمال الرابطة ليه بقه نحلها مادمنا شايفين تقدم وتطور ولا إية رأيك والف شكر لحبيب قلبى / أحمد العيسوى ربنا يخليك وأفرح بيك ياله بقه . [b] | |
|
| |
طه زهران عضو متميز
عدد المساهمات : 87 تاريخ التسجيل : 22/12/2009 العمر : 56
| موضوع: رد: ما تيجوا نبقى ايد واحده الأحد 27 ديسمبر 2009, 1:51 am | |
| ياجماعه مفيش أى تعارض بين اللجان والربطه لأن كل منهما له مجاله وأهدافه واللى كلها فى الآخر بتصب فى مصلحة المحامين جميعاً يعنى اللجان باعتبارها تشكيلات نقابية هتقوم بعمل الخدمات والمهام النقابية لتحقيق أهداف النقابه ولكن تبقى بعد ذلك هناك أهداف ومهام أخرى عظيمة ودقيقة لايمكن أن نعتمد على اللجان فى تحقيقها مثل بث روح الود والمحبة والترابط بين المحامين والدعوة للمشاركات والمجاملات الاجتماعية فى الحزن والفرح وتوسيع دوائر التعارف العميق بين المحامين وأسرهم هذا بالاضافة إلى الدور الرئيسى وهو توحيد الكلمة وبث روح النظام والتحضر عند مواجهة المواقف الصعبة مع القضاء والنيابة والشرطة وتنسيق الأدوار بيننا فى تلك الفترات الحاسمة ناهيك عن الدور الثقافى والحوارى البناء والعمل على اثراء الثقافة العامة والقانونية لدى جموع المحامين وبخاصة الشباب ... كل ذلك يخرج عن نطاق اللجان ولن يبقى لها الا رابطة المحامين التى تصهر ذلك كله وغيره الكثير فى بوتقة واحدة لتنطلق بنا نحو المستوى الذى نحلم به وماذلك على الله بعزيز زملائى وزميلاتى الأحباء إن حقائق اليوم كانت أحلاماً بالأمس وإن أحلام اليوم هى حقائق الغد بإذن الله وان الله لايضيع أجر المحسنين ولا يصلح عمل المفسدين [b] | |
|
| |
| ما تيجوا نبقى ايد واحده | |
|