اوعي وشك...... النكت هتيجي في وشك

مره اتنين متاخرين على المدرسه الاستاذ بيسال الاول انت ايه اللى اخرك قاله كانت فيه 5 جنيه ضيعه مني وبدور عليها فمسك التانى وانته ايه اللى اخرك قاله أصل انا اللى كنت دايس عليها

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

مره واحد سرق فرخه وراح عند البحر نضفها وأكلها , جه الضابط وقاله انت سرقت
الفرخه قاله لا يا باشا ..قاله الضابط: والريش ده؟ قاله دى نزلت تستحمى و قالتلى اخلى بالى من الهدوم

واحد ركب اتوبيس.. جاله الكمسرى بيقول له تذاكر ... قال له امين شرطه..... سابه وراح للجانبه قال له: تذاكر ... قال له: إبراهيم شرطه

مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو

مرة واحدة قالت لزوجها النهاردة بصيت لنفسى فى المراية لقيت نفسى قمر14 تفتكر كده غرور .....قالها لأ غرور ايه ده كدة يبقى عمى

مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم

مرة واحد ندل ركب اتوبيس شاف واحدة قاعدة، بصلها بصتله، غمزلها غمزتله، قالها انزلي المحطة اللي جاية، نزلت راح قاعد مكانها

واحد فافى وهو نازل من البيت أمه سالته "رايح فين؟" فقال لها "مش هقولك انا حر" ، نزل ووقف تاكسى فالسواق ساله "على فين يا باشا؟؟؟" قال له يعنى أنا مقولتش لمامي هقول لك أنت"

مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلالالالالالالا وقاله لما "بكون واقف فى المحل مع ابويا ....ينابيع يا ابويا يبيع"

واحد راح المترو قطع ثلاث تذاكر قابلة واحد قالة انت قاطع ثلاث تذاكر لية قالة عشان لو ضاعت الاولى يبقى معايا التانية قالو لو ضاعت التانية قالة معايا التالتة قالة لو ضاعت التالتة قالو ما تخفش معايا اشتراك

مره واحد محمل فراخ وهوه معدي علي كمين سأله الظابط محمل ايه قالو فراخ يابيه قالو بتاكلهم ايه رد عليه السواق: باكلهم علف ودره....قاله الظابط لا الفراخ مايكلوش علف و دره دول بياكلو لانشون وبسطرمه وراح عملو مخالفه فالسواق بعد مامشي جه عالكمين التاني ظابط تاني بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه.... قاله ازاي!!!! الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قاله بتاكلهم ايه؟؟ الراجل قاله بص يا باشا انا بدي كل فرخه نص جنيه وهيه تاكل اللي علي مزاجها

مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

اتنين محششين بيتفرجو على ماتش فالمذيع بيقول "دربكه فى الدفاع، دربكه فى خط الوسط، دربكه فى الهجوم، أوبااااا جوة الجون" فالمحشش قال لزميله "إظاهر ان دربكه ده لعيب ميه ميه"

مرة واحد مسطول ماشي قدام مزرعه لقى مكتوب عليها من بره ((مزرعة عجول)) دخل للبواب وقاله "يا عم انت بتزرعوا العجول ازااااي ؟" البواب شافه مسطول قال اراضيه بكلمه علشان يمشي قاله "احنا بنرمي السكر على الارض وتاني يوم بتطلع العجول." روح المسطول البيت ورمى سكر على الارض تاني يوم لقى النمل كتييييييير على الارض قلهم "يا حلاوة العجول وهي صغيرة

مشكور كتير يا أستاذ أيمن
وننتظر منك المزيد من النكت الجميلة والخفيفة دى

شكراً على مواضيعك الجميلة استاذ ايمن او ... بجد وجودك عامل نشاط فى المنتدى أصل انت مشاغب ومشاكس . ومصر حمرا ياباشا

هههههههههههههههههههههههه
نكت جميلة عاشت إديك يا أيمون

هههههههههههههههههههههههههههه

اوعي وشك...... النكت هتيجي في وشك Ghazala-747

هههههههههههههههههههه نكتك جميلة ياباشا

اقولك حاجه بجد
والله انا ضحكت اكتر من نص ساعه على نكت كتير
والله انته عسل يا ايمن
المهم عاوز اعرف الواد الكلب اللى بيرعش للعربيات جه ولا لسه مقطوووووووووور

حبيب قلبى يا ايمون والله ايه النكت دى كلها بس طبعا هى مش حاجة جديدة عليك يا باشا
طبعا انت فاكر ايام الكلية والامتحانات والنكت فى الايام دى .
مع ان انت نفسك نكت بالنسبة لى لان كل ما انا اشوفك واقعد معاك اتضحك علطول .

الف شكر يا جماعه والله علي الردود بس انا بحب اضحك واضحك اللي حواليا زي احمد بيه ابو زايد ما بيحب يوصل ويوصل اللي حواليه بعربيته طبعا ( وجاري شكرها علي الموضوع الخاص بها ...تيت تيت تيت )

بالنسبه للكلب بتاع الفيات يا استاد علاء والله انا مش راضي اشتري فيات حقيره بقي عشان كده , خلينا نضحك يا باشا خلي الايام تعدي ......وابقي فكرني بقي يا معالي الباشا اما نتقابل ااقولك النكته بتاعت العربيه اللي بالكمبيوتر

فين الجديد يا أستاذ / ايمن

سألوا واحد مصري ليه الشعب المصري بيحلفوا كتير؟ قال: طب والله العظيم دي اشاعه .. .. قسما بالله افترا..... والمصحف الشريف دول كدابين
محشش في اختبار التعبير مطلوب منه 10 صفحات . كتب ‎باول صفحه (ركب الرجل الحصان) و اخر صفحه ( نزل الرجل من الحصان ) و كتب بينهم درقن درقن درقن ‎......!!!!!!

» إوعي وشك ...النكت لازم هتيجي في وشك 2
» أجمل النكت
» نكت جديدة 2009
» باقى النكت
» اجدد النكت